ޕާކިސްތާންގެ ތާރީޚުގައިވެސް ދިމާވެފައވާ އެންމެ ބޮޑު ކަރިސާގައި ކުރީގެ ބޮޑު ވަޒީރު އިމްރާން ޚާން ރައްޔިތުންނާ އަޅާ ނުލައްވާ ކަމަށާއި ދުރު ސަރަހައްދުތަކުގައި ކޮންސެޓް ބޭއްވުމުގައި ބިޒީކޮށް އުޅުއްވާކަމަށް ވިދޅުވެ ޕާކިސްތާންގެ ޚާރިޖީ ވަޒީރު ބިލާވަލް ބުއްޓޫ ޒަރްދާރީ ވިދާޅުވެއްޖެއެވެ.
ޕާކިސްތާންގެ ތިން ބައި ކުޅަ އެއްބައި ވަނީ ފެނުއަޑީގައެވެ. އަދި ރައްޔިތުންގެ 35 މިލިއަން މީހުންނަށް އެކަމުގެ އަސަރުކޮށް ހާލުގައި ޖެހިފައި ވެއެވެ.
ބުއްޓޫ ޒަރްދާރީ ވިދާޅުވީ އިމްރާން ޚާން އުޅުއްވަނީ ޚައިބަރު ޕަކްތޫން ޚުވާއާއި ޕަންޖާބުގައި އަވަދި ނެތި މިއުޒިކަލް އިވެންޓްތައް ބެއްވެވުމުގައެވެ. އަދި މި ދެ ސްޓޭޓްގެ ޗީފް މިނިސްޓަރުންވެސް އިމްރާނާއެކު އެކަމުގައި ބިޒީކޮށް އުޅުއްވާކަމަށް އޭނާ ވިދާޅުވިއެވެ.
އޭނާ އިމްރާން ޚާނަށް ނަސޭހަތްތެރިވަމުން ވިދާޅުވީ ފުރަތަމައަށް ލަދުވެތިވާން ދަސްކުރަން ވެއްޖެ ކަމަށެވެ. އަދި ޕޮލިޓީޝަނުންނަށް ވާންވީ އޭގެ ފަހުން ކަމަށެވެ.
