މި ކުރެހުމުގެ މައްސަލަ މިހާ ބޮޑުކަމަކަށް ވެގެން އުޅެނީ ކީއްވެގެންކަން އެނގޭހެއްޔެވެ؟ މިއަހަރު ކޮލޮރާޑޯ ސްޓޭޓް ފެއާގެ އަހަރީ އާޓް މުބާރާތުގައި އިނާމު ދީފައި ވަނީ ޕެއިންޓިންގ، ކުއިލްޓިން އަދި ސްކަލްޕްޗަރގެ ދައިރާއިންނެވެ.
އެކަމަކު މި މުބާރާތިގައި ބައިވެރިކުރި އެއް ފަންނާނެއްގެ ކުރެހުމަށް މަތީ ވަނައެއް ލިބުނެވެ. އެ ކުރެހުން ކުރަހފައި ވަނީ ފިހިގަނޑަކުން ނުތަވަ އަތުންނެއް ނޫނެވެ.
އާޓިސްޓް ޖޭސަން އެމް އެލެން އޭނާގެ ކުރެހުން ތައްޔާރު ކުރީ މަސްނޫއީ ސިކުނޑިއެއް، އާޓިފިޝަލް އިންޓެލިޖެންސް ބޭނުން ކޮށްގެންނެވެ. މަސްނޫއީ ސިކުންޑިން ކުރެހުންތައް ތައްޔާރުކުރާތާ އެތައް އަހަރެއް ވެއްޖެއެވެ. ނަމަވެސް މިއީ އެފަދަ ވަސީލަތެއްގެ ފަންނީ އުފެއްދުމަކަށް އެހާ މަތީވަނައެއް ލިބުނު ފުރތަމަ ފަހަރެވެ.
އެހެން ފަންނާނޫން ވަނީ އޭނާއަށް މަކަރު ހެދިކަމަށް ތުުމަތު ކޮށްފައެވެ. އޭނާ އެކަމަށް ދެކޮޅު ހަދައި އޭނާގެ ކުރެހުން ތައްޔާރު ކުރި ގޮތް ކިޔައި ދެއެވެ.
މި ކުރެހުމުގެ ނަމަކީ ތިއޭޓަރ ޑިއޮޕެރާ ސްޕޭޝަލް އެވެ. މަސްނޫއީ ސިކުނޑިތަކުން އިންސާނުންގެ މައްޗަށް ކުރި ހޯދަމުންދާ ކަމުގެ ނަމޫނާއެކެވެ.
