އިނގިރޭސިވިލާތުގެ އާ ބޮޑުވަޒީރަކީ ކޮން ބޭފުޅެއްކަން ކަށަވަރު ވާނީ މިއަދު ހަވީރު ރާއްޖޭ ގަޑިން 7ގެ ފަހުންނެވެ.
މިހާރުގެ ބޮޑު ވަޒީރު ބޮރިސް ޖޯންސަންގެ ބަދަލުގައި ކޮންޒަވޭޓިވް ޕާޓީން ހޮވާނެ ކަމަށް ލަފާ ކުރެވެނީ މިހާރުގެ ޚާރިޖީ ވަޒީރު ލިޒް ޓްރަސްއެވެ.
އޭނާއާ ވާދަކުރެއްވި އިންޑިއާ ދަރިކޮޅުގެ ކުރީގެ މާލީ ވަޒީރު ރިޝީ ސުނާކަށް ވުރެން އޭނާގެ މަގްބޫލުކަން ބޮޑު ކަމަށް ބެލެވެއެވެ.
ބޮޑު ވަޒީރަކަށް ވެ ވަޑައިގަންނަވާ ބޭފުޅަކު މަގާމާ ޙަވާލުވެ ވަޑައިގަންނަވާނީ ސްކޮޓްލޭންޑްގެ ސަމަރ ރިޓްރީޓް، ބާލްމޯރަލް ކާސަލްގައި ރާނީ އެލިޒަބަތު ދެވަނައާ ބައްދަލުކުރެއްވުމަށްފަހު އެވެ. އެކަން އޮންނާނީ މާދަމާއެވެ.
