ދޮންކެޔޮ ކާއިރު ތޮށިގަނޑު ނުކައި އުކާލަންވީ ކީއްވެގެން ހެއްޔެވެ؟ ޖަޕާނުގައި ދޮށިގަނޑާއެކު ކެވޭ ވައްތަރުގެ ދޮންކޭލެއް ހޯދައިފިއެވެ. ޗީބާ ޕްރިފެކްޗާގެ ކިސާރާޒޫގެ ދޮންކެޔޮ ދަނޑަކުން ލިބޭ ދޮންކޭލަކީ ފަނިފަކުސަ މަރާ ބޭސް ނުހިމެނޭ ތޮށިގަނޑާއެކު ކާލެވޭ ވައްތަރުގެ ދޮންކޭލެކެވެ.
މި ދަނޑަކީ، އިރުގެ އަލިން ހަކަތަ އުފައްދާ ކުންފުނި ޔުނި ރޫޓް ގަނެގެން ހިންގާ ދަނޑެކެވެ. އޮސާކާގައި ހުންނަ މި ކުންފުނިން ފެސްޓިސައިޑު ނުހުންނަވައްތަރުގެ ދޮންކެޔޮ 2018ން ފެށިގެން އިންދާކަމަށް ސެޓިފިކެޓް ހޯދާފައި ވެއެވެ.
ދޮންކޭލަކީ ޖަޕާނުގެ މޫސުމަށް ހެޔޮވައްރު އެއްޗެއް ނޫނެވެ. އިސްތިވާއީ ސަރަހައްދުގައި ގޮވާންކުރާ ދޮންކެޔޮ ޖަޕާނުގައި އިންދާން ފެށީ ވަރަށް ފަހުންނެވެ. ޖަޕާނުގައި ދޮންކެޔޮ އިންދަނީ ދޮންކޭލުގެ އޮށް ފިނިކޮށް ބަހައްޓައިގެން ފަޅުވައިގެންނެވެ. އެއީ އޮކްލޮހޯމާ ސިޓީގެ އެގްރިކަލްޗަރަލް ކޯޕަރޭޝަނުން ތަރައްގީކޯށްފައިވާ މެތެޑަކެވެ.
ކިސާރާޒޫގައި އުފައްދާ ދޮންކޭލަކީ، ގްރޮސް މައިކަލް ވެރައިޓީއެވެ. މިއީ އާދަޔާ ޚިލާފަށް ފޮނި ރަހަ މީރު ފެންވަރުމަތީ ބާވަތެކެވެ.
