ވައިޓް ހައުސްގައި ބޭއްވި ނޫސްވެރިންގެ ބައްދަލުވުމެއްގައި އެމެރިކާގެ ސިއްހީ ދާއިރާގެ މަސްއޫލުވެރިން އިއްޔެ ވިދާޅުވީ ކޮވިޑް19ގެ ވައިރަސްއަށް ޖަހާ ވެކްސިން ވެގެންދާނީ ކޮންމެ އަހަރަކު ޖަހަންޖެހޭ އެއްޗަކަށެވެ.
އެމެރިކާގެ ސެންޓަރސް ފޯ ޑިޒީސް ކޮންޓްރޯލް އެންޑް ޕްރިވެންޝަނުން މި ހަފްތާގައި ވަނީ ވެކްސިންގެ އައު ވައްތަރަކަށް ހުއްދަ ދީފައެވެ. އާ އަޕްޑޭޓް ކޮށްފައިވާ ބައިވެލެންޓް ބޫސްޓަރ ޝޮޓަކީ މިހަރު އާންމުކޮށް ފެތުރެމުންދާ ބީއޭ4ގެ ވޭރިއެންޓާއި އޮމިކްރޮންގެ ބީއޭ.5 ގެ ވޭރިއެންޓާ ދެކޮޅަށް ދޭ ބޫސްޓަރެކެވެ.
އިންޑިއާގައިވެސް ކޮވިޑް19އަށް ދެމެހެއްޓެނިވި ވެކްސިނެއް ތައްޔާރު ކުރުމަށް މަސައްކަތް ކުރެވެމުންދާ ކަމަށް އެގައުމުގެ ވެކްސިން ޓާސްކްފޯހުން މިދިޔަ ހަފްތާގައި ބުނެފައި ވެއެވެ.
