24 ގަޑިއަށް މެދު ނުކެނޑި ކަރަންޓު ލިބޭތީ ޝުކުރު ވެރިވަން ހެއްޔެވެ؟ ޗައިނަގެ ޗޮންޗިންގައި ކަރަންޓު ނުލިބިގެން 10 ދުވަހަށް ފެކްޓްރީތައް ބަންދުކޮށްފިއެވެ. ދޭތެރެ ދޭތެރޭން ކަރަންޓު ކެނޑި ލޯޑްޝެޑިންއަސް ލައިފިއެވެ.
ލަންކާގައި ލޯޑް ޝެޑިންއަކީ މިހާރު އާނމު ކަމެކެވެ.
އެމެރިކާގެ ކެލިފޯނިއާގައި ވެސް ހޫނުގަދަ ވުމުގެ ސަބަބުން ދޭތެރޭން ކަރަންޓު ކެނޑޭނެ ކަމަށް އިންޒާރުކޮށްފިއެވެ. ކެލިފޯނިޔާގައި ބައެއް ސަރަހައްދުތަކުން ހަވީރު 4ން ރޭގަނޑު 9އަށް ކަރަންޓު ސަލާމަތް ކުރުމަށް ކަރަންޓު ކަނޑާލާނެއެވެ.
ސްޓޭޓް ސަރުކާރުން ވަނީ ހަކަތަ ބޭނުންކުރުން މަދުކުރުމަށް ރައްޔިތުންނަށް އިލްތިމާސްކޮށްފައެވެ. އެމެރިކާގެ ހުޅަނގުގައި ރެކޯޑް މިންވަރަކަށް ހޫނު ގަދަވެ، ހަނަފަސްކަމާ ކުރިމަތި ލާން ޖެހުމުން ކޯރުތައް ހިނދި ކަރަންޓު އުފެއްދުމަށް ދަތިތައް ކުރިމަތި ވެފައި ވެއެވެ.
އިއްޔެ އަންގާރަ ދުވަހުވެސް ކެލިފޯނިއާގައި ގާތްގަނޑަކަށް 88،000 ކަސްޓަމަރުން ތިބީ ކަރަންޓު ނެތިފައެވެ.
މޫސުމަށް އަންނަ ބަދަލުތަކގެ ސަބަބުން މުޅި ދުނިޔެއަށް އާދަޔާ ޚިލާފު ހާލަތްތައް ކުރިމަތިވަމުން ދެއެވެ.
