މޫސުމަށް އަންނަ ބަދަލުތަކުގެ ސަބަބުން ކަނޑުތައް ހޫނުވުމުން ކުރިއަށް އޮތްތަނުގައި މަސްމަހާމެހީގެ ބާވަތްތައް މަދުވާނެ ކަމަށް ދިރާސާއަކުން ދައްކައިފި އެވެ.
ޕްރޮސީޑިންގްސް އޮފް ދަ ރޯޔަލް ސޮސައިޓީ ޖާނަލްގައި ޝާއިއުކޮށްފައިވާ ދިރާސާއިން ދައްކާ ގޮތުގައި ލޮނުގަނޑު ހޫނުވަމުން ދިއުމުން ކަނޑުގެ ދިރުމަށް އަސަރު ކުރާނެއެވެ.
މޫސުން ހޫނުވަމުންދާ ވަރަކަށް ބޮޑެތި މަހުގެ ބާވަތްތަކާއި ވިޔަފާރީގެ ގޮތުން މުހިންމު މަސްވެރިކަމަށް ބަދަލު އަންނާނެއެވެ. އަދި ދިރާސާގައި ބުނާ ގޮތުން ހޫނުކަމުގެ ސަބަބުން މަސްމަހާމެހި އައު ސަރަހައްދުތައް ހޯދައި ހިޖުރަ ކުރާނެއެވެ. އެކަމަކު އެތަންތާނގައިވެސް އެސޮރުމެނަށް ކެތެއް ނުކުރެވޭނެ ކަމަށެވެ.
އެމެރިކާގެ ރުޓްގާސް ޔުނިވާސިޓީގެ އެސޯސިއޭޓް ޕްރޮފެސަރު އަދި މި ދިރާސާ ލިޔުއްވުމުގައި ބައިވެރިވި މާލިން ޕިންސްކީ ވިދާޅުވީ މަސްތައް ކަނޑުތަކުގައި ހުންނާނެ ކަމަށެވެ. ނަމަވެސް މަހުގެ އަދަދު މަދުވާނެ ކަމަށެވެ.
