ޑިޒްނީ ފިލްމުތަކަކީ އެއްޖިންސުން ގުޅުން ހިންގުން ޕްރޮމޯޓު ކުރާ ބައެއް ހެއްޔެވެ؟ ސުއާލަށް އޮތް ޖަވާބަކީ އެކުންފުނީގެ އުފެއްދުންތަކެވެ. “Lightyear,” “Thor: Love and Thunder,” “Doctor Strange in the Multiverse of Madness,” “West Side Story” “Eternals,” މި ފިލްމުތަކަކީ މިއަހަރުގެ ހޫނުމޫސުމުގައި ޑިޒްނީން ދެއްކުމަށް ނެރުނު ފިލްމުތަކެވެ. ހުރިހައި ފިލްމަކީވެސް އެއްޖިންސުން ގުޅުން ހިންގުން ދައްކުވައިދޭ ފިމްލު ތަކެވެ. އަރަބި ގައުމުތަކުގައި ސިނަމާތަކުގައި މި ފިލްމުތައް އެޅުވުން ވަނީ މަނާ ކޮށްފައެވެ.
އަރަބި ގައުމުތަކުގައި ޑިޒްނީ ހިއްސާވާ ނެޓްފްލިސްއާ ދެކޮޅަށް ހަނގުރމައެއް ފެށިފައިވަނީ އެއް ޖިންސުން ގުޅުން ހިންގުމާއި އަނބިން ބަދަލު ކުރުމާ ބެހޭ ގޮތުން މިސްރުގައި އުފެއްދި އަރަބި “Perfect Strangers” ފިލިމު ދެއްކުމަށ ނެޓްފްލިކްސްއިން ނިންމުމުންނެވެ.
މިސްރުގެ އެމްޕީން ވަނީ ނެޓްފްލިކްސް ދެއްކުން މަނާ ކުރުމަށް އެދިފައެވެ. މިސްރުގެ ފަންނީ މަސައްކަތާ ބެހޭ އިދާރާއިން ވަނީ އެފިލްމު ނެޓްފްލިކްސްގައި ދެއްކުންމަނާ ކޮށްފައެވެ.
ބަހުރައިނާއި އޮމާނާއި ޤަތަރާއި ސައޫދީންވެސް މިސްރުގެ ކުރިން މި ފިލްމު ނުދައްކާން ނެޓްފްލިކސްއަށް އަންގާފައެވެ.
އެއްޖިންސުގެ ވަހުޝިއްޔަތު ޕްރޮމޯޓު ކުރުމަށް ޑިޒްނީން ކުރާ މަސައްކަތުގައި އުފެއްދި ދެ ސިލްސިލާ ކަމަށްވާ “Lightyear” އާއި “Baymax” ވެސް ނުދެއްކުމަށް އަރބި ގައުމުތަކުން އެދުމުން އެގޮތަށް ނިންމާފައެވެ.
