އިންޑޮނޭޝިއާގެ ދުރު ހިސާބެއްގެ ހޮހަޅައަކުން ފެނުނު 31،000 އަހަރުގެ ގަބުރެއްގެ ތަހުލީލުން އެނގުނީ އެއީ ދުނިޔޭގައި ހަދާފައިވާ އެންމެ ޒަމާންވީ ސާޖަރީ ހަދާފައިވާ މީހާކަމަށެވެ. އޭނާގެ ކަނާތު ފައިގެ ތިރިން ބުރިކޮށްފައި ހުރުމުން ސައިންޓިސްޓުން ލަފާ ކޮށްފައި ވަނީ އުދަގޫ ސާޖަރީއެއް އޭނާއަށް ހަދާފައިވާ ކަމަށެވެ.
އޮސްޓްރޭލިއާ އާއި އިންޑޮނޭޝިއާގެ އާކިއޮލޮޖިސްޓުން އިސްނަގައިގެން ކުރިއަށް ގެންދިޔަ އެކްސްޕެޑިޝަން ޓީމަކަށް މި ގަބުރު ހޯދައި ގަނެވުނީ 2020 ވަނަ އަހަރު ބޯނިއޯގެ އީސްޓް ކަލިމަންޓާންގައި ގަދީމީ ރޮކް އާޓް ހޯދުމަށް ލައިމްސްޓޯން ހޮހަޅައެއް ކޮންނަމުން ދިއުމުގެ ތެރޭގައެވެ.
