އެކަމަނާގެ ދިގު ރަނިކަމުގައި 15 ބޮޑު ވަޒީރުން އައްޔަން ކުރެއްވި ރާނީ އެލިޒަބަތު ދެވަނަގެ ސިއްޙީ ޙާލުކޮޅު ވަރަށް ބޮޑަށް ގޯސްވަމުންދާ ކަމަށް ބެލވޭއިރު ބަކިންހަމް ޕެލަސް އިން ވަނީ އެކަމަނާ މެޑިކަލް ސުޕަވައިޒަރީގެ ދަށަށް ގެނެވިފައިވާ ކަމަށާއި އެކަމަނާގެ ސިއްހަތާ މެދު ޑޮކްޓަރުން "ކަންބޮޑުވާ" ކަމަށް މިއަދު އިއުލާންކޮށްފަ އެވެ.
އުމުރުން 96 އަހަރުގެ ރާނީ 70 އަހަރު ރަނިކަން ކުރައްވާފައިވެއެވެ. ރާނީ ހުންނެވީ ސްކޮޓްލޭންޑްގެ ހައިލެންޑްސްގައި ހުންނަ އެކަމަނާގެ ބަލްމޯރަލް ކާސަލްގައި ކަމަށް ގަނޑުވަރުން ނެރުނު ބަޔާނެއްގައިވެއެވެ.
