ހަތްދިހަ އަހަރު ވަންދެން ރަނިކަން ކުރެއްވި އިނގިރޭސިވިލާތުގެ ރާނީ އެލިޒަބަތު އަވަހާރަ ވެއްޖެއެވެ. އެކަމަނާގެ ސިއްޙީ ހާލުކޮޅު ސީރިއަސް ވެއްޖެކަމަށް އިއުލާން ކުރުމާ ގުޅިގެން އާންމު ރައްޔިތުންގެތެެރެއިން ގިނަ ބަޔަކު ވަނީ ބެކިންހަމް ޕެލަސްއަށް އެއްވާންފަށައިފައެވެ.
ރާނީ އެލިޒަބަތު ވަނީ އެކަމަނާގެ ރާނީކަމުގެ ދިގު ތާރީޚުގައި 15 ބޮޑު ވަޒީރަކު އައްޔަން ކުރައްވާފައެވެ. އެންމެފަހުން އެކަމަނާ އައްޔަން ކުރެއްވި ބޮޑުވަޒީރަކީ ލިޒް ޓްރެސް އެވެ.
ރާނީ އަވަހާރަވިރު ހުންނެވީ ސްކޮޓްލެންޑްގެ ބެލްމޯރަލް ކާސަލްގައެވެ.
ރާނީ އަވަހާރަ ވިއިރު ވަލީ އަހުދު ޗާލްސްއާއި އެކަމަނާގެ އަނެއް ތިން ބޭފުޅުން ވަޑައިގެން ތިއްބެވިއެވެ.
ޢުމުރުފުޅުން 96 އަހަރުގެ ރާނީ ވަނީ އެކަމަނާގެ ޝާހީ ބައެއް ވާޖިބުތައް މިދިޔަ އެއް އަހަރުދުވަސްތެރޭގައި ވަލީޢަހުދު ޗާލްސްއާ ހަވާލުކުރައްވާފައެވެ.
