ޗާލްސް ރަސްކަމުގެ މަގާމަށް ވަޑައިގަތުމުން، އެހެން ނަމެއް އިޚުތިޔާރުކުރައްވަފާނެ ބާވައެވެ؟ ރަސްގެފާނު ޗާލްސް ތިންވަނަ އަށް ނުވާންވީ ސަބަބެއް ނެތެވެ. އެހެންނަމަވެސް ޗާލްސްއަށް ބޭނުންފުޅުނަމެއް އިޚުތިޔާރު ކުރެއްވިދާނެއެވެ.
އެއާއެކު އުފެދޭ ސުއާލަކީ، މުސްލިމުންނާ ހަމްދަރްދީއާއި އާއިލީ ގުޅުމެއް ބާއްވަވާ ޗާލްސްއަށް ބްރިޓިޝް މީޑިއާއިން މަލާމާތް ކޮށް އަމީރުލް މުއުމިނީން ޗާލްސްކަމަށް ސިފަކޮށްފައިވާ އަމީރު ރަސްކަމަށް ވަޑައިގަންނަވާނީ އިނގިރޭސި ފައްޅީގެ އިސްފަރާތުގެ ގޮތުގައި ބާވައެވެ. ނުވަތަ ދީންތައް ޙިމާޔަތް ކުރައްވާ ރަސްގެފާނުގެ ގޮތުގައި ބާވައެވެ؟
(މި ވާހަކައިގެ ތަފްސީލް ހަލި ނިއުސްގައި މާދަމާ ޝާއިއު ކުރާނެ: އެޑިޓަރ)
ޗާލްސް އަމިއްލަފުޅަށް ރަސްކަމުގައި އައު ނަންފުޅެއް އިޚްތިޔާރު ކުރެއްވުމުގެ މިނިވަންކަން ލިބިވަޑައިގަންނަވާއިރު އެމަނިކުފާނަށް އަމިއްލަ ނަންފުޅުތަކުގެ ތެރޭން ނަމެއްވެސް އިޚުތިޔާރު ކުރެއްވިދާނެއެވެ.
އެއީ: — ޗާލްސް ފިލިޕް އާރތަރ ޖޯޖް — ގެތެރެއިން ނަންފުޅެކެވެ.. ނުވަތަ މުޅިން ތަފާތު އެހެން ނަންފުޅެކެވެ.
ރާނީގެ އަމިއްލަ ބައްޕާފުޅުގެ ނަންފުޅަކީ އަލްބަރޓްއެވެ. 1936 ވަނަ އަހަރު ރަސްކަމަށް ވަޑައިގަތީ ޖޯޖް ހަވަނަ ރަސްގެފާނުގެ ނަންފުޅުންނެވެ.
ކިންގް ޗާލްސްގެ ނަމުން ރަސްކަން ކުރެއްވި ދެ ބޭފުޅުންގެ ތާރީޚެއްވެސް އެބަ އޮތެވެ. އެއީ 1625 ވަނަ އަހަރު ރަސްގެފާނު ޗާލްސް ތަޚުތަށް އިސްވެވަޑައިގެންނެވި ފަހުން ހިނގި ހަމަނުޖެހުންތަކުގެ ސަބަބުން އިނގިރޭސިވިލާތުގައި އަހުލީ ހަނގުރާމައެއް ފެށި ރަސްގެފާނުގެ ކަނދުރާކޮޅު 1649 ވަނަ އަހަރު ކަނޑާލައިގެން އަވަހާރަކޮށްލެވުނެވެ.
އެ ހަނގުރާމަ ފެށުނުއިރު ރަސްގެފާނު ޗާލްސް ދެވަނަ އަކީ ތުއްތު ބޭފުޅެކެވެ. އޭގެ ހަތް އަހަރު ފަހުން އޭނާގެ ބައްޕާފުޅު އަވަހާރަކޮށްލުމުން ޗާލްސް ރަސްގެފާނު ދެވަނަ ފިއްލަވައިގެން ފްރާންސަށް ވަޑައިގަތެވެ.
އަދި 1660 ވަނަ އަހަރު އަނބުރާ ލަންޑަނަށް ދައުވަތު ދެއްވައި، 1685 ވަނަ އަހަރާ ހަމައަށް ރަސްކަން ކުރެއްވިއެވެ.
އެހެންވެ، ރަސްގެފާނު ޗާލްސް ތިންވަނަ އެއީ ކުރެވޭ ސުއާލެކެވެ.
ޗާލްސް ރަސްގެފާނުގެ އަނބިކަނބަލުން އޮޓޮމެޓިކުން ރާނީއަކަށް ވެވަޑައިގަންނަވާނެއެވެ. ނަމަވެސް ކެމީލިއާއާއި ޗާލްސްގެ ކައިވެންޏާމެދު ގިނަ ބަޔަކު ސުއާލު އުފެއދުމުން އެކަމަނާގެ ހައިސިއްޔަތު އޮތީ ޝައްކެއްގައެވެ.
ރާނީ އެލިޒަބަތު ވެރިކަމަށް ވަޑައިގެންނެވިތާ 70 އަހަރު ފުރުން މިއަހަރު ފާހަގަ ކުރުމުގައި ރާނީގެ ޝާހީ ފަރުމާނެއްގައި ވިދާޅުވީ ޗާލްސްގެ އަނބިކަނބަލުން ޗާލްސް ތަޚުތަށް ވަޑައިގަންނަވާއިރު ވެވަޑައި ގަންނަވާނީ ކުއީން ކޮންސޯޓް ކަމުގައެވެ.
(ކުއީން ކޮންސޯޓަށް ދިވެހި ބަހުން ތަރުޖަމާއެއް ވާނަމަ ކިޔުންތެރިން ކޮމެންޓްގައި ޝާއިއުކުރުން އެދެމެވެ.)
