ޝިންޖިއާންގް ޕްރޮވިންސްގައި އިންސާނީ ހައްގުތަކާ ހިލާފުވާ މައްސަލަތަކާ މެދު ކަންބޮޑުވެގެން ޗައިނާއަށް އަމާޒުކޮށްގެން ހިންގާ ފިޔަވަޅެއްގެ ގޮތުގައި ވިލާތު އިއްތިހާދުގެ 27 މެމްބަރު ގައުމު ހިމެނޭ ޔޫރަޕިއަން ޔޫނިއަން އިން ދަނީ ގަދަކަމުން މަޖުބޫރުކޮށްގެން އުފައްދާ އުފެއްދުންތައް މަނާ ކުރަން މަސައްކަތް ކުރަމުންނެވެ.
މަޖުބޫރުކޮށްގެން އުފައްދާ އުފެއްދުންތައް ނުވަތަ އީޔޫއަށް އެތެރެކުރާ އެފަދަ އުފެއްދުންތައް މަނާކުރާނެ ކަމަށް އީޔޫގެ ޑްރާފްޓް ގަވާއިދުތަކެއްގައި މިހާރު ވަނީ ހިމަނާފައެވެ.
މި ފިޔަވަޅު އެޅީ ޗައިނާގެ ޝިންޖިއަންގް އުއިގޫރު އޮޓޮނޮމިކް ރީޖަންގައި ނިޒާމީ ގޮތެއްގައި އިންސާނީ ހައްގުތަކާ ހިލާފުވުމާއި އެކަމުގެ ސަބަބުން ފަރުދުންނާއި މައިނޯރިޓީތަކަށް ކުރާ ނޭދެވޭ އަސަރުތަކާ ގުޅިގެން އީޔޫގެ ގާނޫނު ހަދާ މަޖިލީހުގެ މެމްބަރުން ކުރިމަތި ކުރި ޕްރެޝަރުގެ ސަބަބުންނެވެ.
މި ލިޔުމުގައިވާ ގޮތުން އެއްވެސް މަރުހަލާއެއްގައި މަޖުބޫރުކޮށްގެން މަސައްކަތްކޮށްފައިވާ އުފެއްދުންތަކަށް ނުވަތަ އެ އުފެއްދުންތަކާ ގުޅޭ މަސައްކަތް ނުވަތަ ޕްރޮސެސްކުރުމުގައި ގަދަކަމުން މަސައްކަތް ކުރުވާފައިވާނަމަ އެ އެއްޗެއް އީޔޫއަށް ވެއްދުން މަނާވާނެ ކަމަށް ބުނެފައި ވެއެވެ.
މި ގަވާއިދަކީ އަދި ހަމަ ޑްރާފްޓެކެވެ. މިފަދަ ގަވާއިދުތައް ފާސް ކުރެވޭނީ އީޔޫގެ އެގްޒެކެޓިވް މެމބަރުންނާއި އީޔޫގެ ގައުމުތަކާ އެކު އޭގެ ތަފްސީލުތަކާ ބެހޭ ގޮތުން މަޝްވަރާ ކުރުމަށްފަހުއެވެ.
