ރާނީގެ ޖަނާޒާ އޮންނާނީ ސެޕްޓެމްބަރު 19ގައި މާލޭ ގަޑިން މެންދުރުން އަނބުރާ 3 ޖަހާއިރުއެވެ.
މިއަދު ސެއިންޓް ޖޭމްސް ޕެލަސްގައި ބޭއްވި ތާރީހީ ރަސްމިއްޔާތެއްގައި ޗާލްސް ތިންވަނަ ރަސްމީކޮށް އިނގިރޭސިވިލާތުގެ ރަސްގެފާނުގެ މަގާމަށް އިއުލާން ކުރައްވައިފިއެވެ. މި އިއުލާނަކީ އާ ރަސްގެފާނު ވެރިކަމަށް ވަޑައިގެންނެވިކަން އާންމުކޮށް އިއުލާން ކުރުމަށް ކުރައްވާފައިވާ އިއުލާނެކެވެ.
ރާނީގެ ހަށިކޮޅު މިހާރު އޮތީ އޯކް ސަންދޯކެއްގައި އިރުއުތުރު ސްކޮޓްލޭންޑްގެ ބާލްމޯރަލް ކަސްޓަލްގެ ބޯލްރޫމްގައި ބޭއްވިފައެވެ.
ޕްރިންސް އާއި ޕްރިންސެސް އޮފް ވޭލްސް (ވިލިއަމް އާއި ކޭޓް) ގެ އަހިރު ވިންޑްސަރ ކަސްޓަލްގައި ޕްރިންސް ހެރީ އާއި މެގަން މާކަލް ވެސް ވަނީ ރާނީއަށް ޓަކައި ބެހެއްޓިފައިވާ މާބޮނޑިތައް މިއަދު ބައްލަވާލައްވާފައެވެ.
ރާނީގެ ސަންދޯއްކޮޅު ބެލްމޯރަލް ކާސަލް އިން މާދަމާ ލަންޑަނަށް ގެންދެވޭނެއެވެ.
