އެމެރިކާގެ ރައީސް ޖޯ ބައިޑަން އާއި ޖަޕާނުގެ ބޮޑުވަޒީރު ފުމިއޯ ކިޝިޑާ ސެޕްޓެމްބަރު މަހުގެ 20 ވަރަކަށް ދުވަހު ނިއުޔޯކުގައި ބާއްވާ އދގެ އާންމު މަޖިލީހުގެ ހަވާސާގައި ބައްދަލު ކުރައްވާނެ ކަމަށް ދެ ގައުމުން ކުރިން ބުނެފައި ވއެވެ. ނަމަބެސް ބައިޑެންގެ ޝެޑިއުލްއަށް ބަދަލުތަކެއް އައުމަކީ އެކަށީގެންވާ ކަމެކެވެ. އެއީ ސެޕްޓެމްބަރު 20 ވަނަ ދުވަހު ރާނީ އެލިޒަބަތުގެ ޖަނާޒާގައި ބައިވެރިވެވަޑައިގަތުމަށް ބައިޑެން ލަންޑަނަށް ވަޑައިގަންނަވާނެ ކަމަށް އިޝާރާތް ކުރައްވާފައިވެއެވެ.
ބައިޑެންއާއި ކިޝީޑާގެ މަޝްވަރާގައި ރަޝިޔާއިން ޔޫކްރޭނަށް އަރައިގަތުމަށް ރައްދުދިނުމަށް ދެ ގައުމުން އެއްބާރުލުން ދިނުމުގެ މަޝްވަރާތަކުގެ އިތުރުން ޖަޕާނުގެ ވަށައިގެންވާ ސަލާމަތީ މާހައުލާ ބެހޭ ގޮތުންނާއި ޗައިނާއާއި އުތުރު ކޮރެއާގެ ކަންތައްތަކާ މެދު މަޝްވަރާތަކެއް ބާއްވާނެ ކަމަށް ބެލެވެއެވެ.
