ޕާކިސްތާނުގެ ކުރީގެ ބޮޑުވަޒީރު އިމްރާން ޚާން އިއްޔެ ދަތުރު ކުރެއްވި ބޯޓުގެ ހާދިސާއިން އޭނާ ވަނީ ސަލާމަތްވެ ވަޑައިގެންފައެވެ. އޭނާ ދަތުރުކުރެއްވި މަތިންދާބޯޓު ވައިގެ ތެރޭގައި ޓެކްނިކަލް މައްސަލައެއް ދިމާވެގެން ކުއްލި ހާލަތުގައި ޖައްސަން މަޖުބުރުވިއެވެ. އެ ބޯޓަށް މައްސަލަ ދިމާވީ ވައިގެ މަގުން ދަތުރުކުރިތާ މާގިނަ ދުވަހެއް ނުވެ ފަންނީ މައްސަލައެއް އުފެދިގެންނެވެ.
ޕައިލެޓް ބޯޓު ސަލާމަތުން ތިރިކުރީ ކުއްލި ހާލަތުގައި ޖެއްސުމަށް ކޮންޓްރޯލް ޓަވަރާއި ގުޅުމަށް ފަހުއެވެ.
ޕާކިސްތާން ތަޙުރީކޭ އިންސާފް ޕާޓީގެ ޗެއާމަން ދަރުތު ކުރައްވަމުން ގެންދެވީ ޗަކްލަލާއިން ގުޖުރާންވާލާއަށެވެ. ފަހުން ޚާން ވަނީ އެޖަލްސާއަށް އެއްގަމު މަގުން ގުޖުރާންވާލާއަށް ދަތުރުކުރައްވާފައެވެ.
ގުޖުރާންވާލާގައި ބޮޑު އެއްވުމެއްގައި ކުރީގެ ބޮޑުވަޒީރު އޭނާގެ ޕާޓީގެ އިންސާފް ސްޓޫޑެންޓް ފެޑެރޭޝަން (އައިއެސްއެފް) އާއި ޒުވާނުންނާ މުހާތަބު ކުރައްވައި ވިދާޅުވީ ޕާކިސްތާނުގެ ބާނީ މުހައްމަދު އަލީ ޖިނާހު އިނގިރޭސިންގެ އަޅުވެތިކަމުން ގައުމު މިނިވަން ކުރެއްވި ނަމަވެސް ގައުމު މިހާރު ވަނީ ތަފާތު ގޮތަކަށް އަޅުވެތި ވެފައި ކަމަށް ވިދާޅުވެފައެވެ
