ބަނގްލަދޭޝްގެ މުދަލަށް ހިލޭ އިންޑިއާއިން ޓްރާންސިޓް ފެސިލިޓީ ދޭން ނިންމައިފިއެވެ. އެގޮތަށް ހަމަޖެހުމުން ބަންގްލަދޭޝްގެ އެކްސްޕޯޓަރުންނަށް ނޭޕާލާއި ބޫޓާން ފަދަ ގައުމުތަކަށް މުދާ ފޮނުވާލެވި ސަރަހައްދީ އަދި ސަބް ރީޖަނަލް މާކެޓް ފުޅާވެގެންދާނެ ކަމަށް އޮފިޝަލުންނާއި އިގްތިސާދީ މާހިރުންނާއި ވިޔަފާރިވެރިން ބުނެއެވެ.
ބަނގްލަދޭޝްގެ ބޮޑުވަޒީރު ޝެއިޚް ހަސީނާ އިންޑިއާއަށް ކުރެއްވި ދަތުރުފުޅުގައި އިންޑިއާއިން ވަނީ އެގައުމުގެ ސަރަހައްދު މެދުވެރިކޮށް މިނިވަންކަމާއެކު އެހެން ގައުމުތަކަށް މުދާ ގެންދިއުމުގެ ފުރުސަތު ހުޅުވާލަދީފައެވެ.
މާނައަކީ ބަންގްލަދޭޝްގެ މުދާ މިހާރު ނޭޕާލާއި ބޫޓާން ފަދަ ތިންވަނަ ގައުމުތަކަށް އިންޑިއާ މަގުން އެކްސްޕޯޓް ކުރެވޭނެއެވެ. އެކަމަށް އިންޑިއާގެ ވަކި ލޭންޑް ކަސްޓަމްސް ސްޓޭޝަންތަކާއި އެއާޕޯޓްތަކާއި ސީޕޯޓްތައް ކަނޑައަޅާފައި ވެއެވެ.
އެ ފަސޭހަ ރަނގަޅަށް ތަންފީޒު ކުރެވިއްޖެ ނަމަ ބަންގްލަދޭޝްގެ ވިޔަފާރީގެ 90 ޕަސެންޓަށް ވުރެ ގިނަ ވިޔަފާރި ޙަވާލުކުރާ ޗަޓޯގްރާމް ބަނދަރަށް އޮތް ޕްރެޝަރު ވެސް ވަރަށް ބޮޑަށް ކުޑަވެގެންދާނެ އެވެ.
އަދި ޓްރާންސިޓް ފެސިލިޓީގެ ސަބަބުން އެކްސްޕޯޓަރުންނަށް މާކެޓްތަކާއި އުފެއްދުންތައް ތަފާތު ކުރުމުގެ ފުރުސަތު ވެސް ލިބިގެންދާނެއެވެ.
މިއީ 2026 ވަނަ އަހަރު ތަރައްގީވަމުން އަންނަ ގައުމަކަށް އެ ގައުމު ގްރެޖުއޭޓް ވުމާ ގުޅިގެން އެކްސްޕޯޓް މަންޒިލްތަކުން ޑިއުޓީގެ ފައިދާ ގެއްލޭނެތީ ބަންގްލަދޭޝްއަށް ވަރަށް މުހިންމު ކަމެކެވެ.
އިންޑިއާގެ އެކްސްޕޯޓް ޕްރޮމޯޝަން ބިއުރޯގެ ތަފާސްހިސާބުތަކުން ދައްކާ ގޮތުގައި ޖޫން މަހު ނިމުނު މާލީ އަހަރު ބޫޓާނަށް 10 މިލިއަން ޑޮލަރުގެ މުދާ ފޮނުވިއިރު، އެއީ މީގެ އަހަރެއްހައި ދުވަސްކުރިން ހަތް މިލިއަން ޑޮލަރުގައި އޮތް ވިޔަފާރިއެކެވެ.
ނޭޕާލަށް އެކްސްޕޯޓްކުރި މުދަލަށް 106 މިލިއަން ޑޮލަރު ލިބިފައިވާއިރު، އެއީ 2020-21 ވަނަ އަހަރުގެ މާލީ އަހަރު 69 މިލިއަން ޑޮލަރު ލިބުނު ވިޔަފާރިއެކެވެ.
