ބޮލީވުޑްގެ އެންމެ އެއް ކާމިޔާބު ފިލްމު އެމެރިކާގައި ސްޓޭގު ޕްލޭއަކަށް ބަދަލުކޮށްފިއެވެ. 1995 ވަނަ އަހަރު ރިލީޒްކުރި ޝާހުރުޚް ޚާން ލީޑް ރޯލް ކުޅޭ "ދިލްވާލޭ ދުލްހަނިޔާ ލޭ ޖަޔަންގޭ" އަކީ މުމްބާއީގެ ސިނަމާއެއްގައި ކޮންމެ ދުވަހަކު ދައްކާ މަގްބޫލު ފިލްމެކެވެ.
ކައިވެނީގެ ހަފްލާތައް އެފިލްމުގެ ލަވައިން ނޫނީ ފުރިހަމައެއް ނުވެއެވެ.
އެމެރިކާގައި މި ފިލްމު ސްޓޭޖް ޕްލޭއަކަށް ބަދަލު ކުރިއރު ނަން ބަދަލުކޮށްފައި ވަނީ "ކަމް ފޯލް އިން ލަވް — ދަ ޑީޑީއެލްޖޭ މިއުޒިކަލް" ގެ ނަމުންނެވެ.
ބްރޯޑްވޭ ގައި ދެއްކުމަށް ތައްޔާރު ވުމުގެ ގޮތުން އޯލްޑް ގްލޯބް ސްޓޭޖުގައި މިހާރު ދަނީ ކުޅެވެމުންނެވެ. ނަމަވެސް މި ޕްލޭއަށް ފާޑު ކިޔުން އަމާޒު ވެފައި ވެއެވެ.
ދެކުނު އޭޝިއާ މީހުން މައސަލަ ޖައްސާފައި ވަނީ ޝާހުރުޚް ޚާންގެ ޖާރުގެ ރޯލު ކުޅުމަށް ހުދު ކުލައިގެ ސްޓާރަކު ހަމަޖެއްސުމުންނެވެ. ފާޑު ކިޔާމީހުން ބުނެފައި ވަނީ މޮޅު ލޯބީގެ ޑްރާމާއެއް ދޮން ކުރަން އުޅެނީ ކަމަށެވެ.
މި ފިލްމު ސްޓޭޖަށް އެޑަޕްޓް ކޮށް ނިމުނީ މިދިޔަ އަހަރުގެ ތެރޭގައެވެ.
މި ޝޯގެ ކްރިއޭޓަރުން ބުނަނީ މަގްސަދަކީ ދެ ސަގާފަތެއް އެއްތަނަކަށް އެއްކޮށް ދެއްކުން ކަމަށެވެ.
