ވޮޝިންޓަން، ނޮވެމްބަރ 26. /ޓާސް/: އެމެރިކާގެ އޭޓީއޭސީއެމްއެސް ޓެކްޓިކަލް ބެލިސްޓިކް މިސައިލްތަކުން ހަމަލާދޭނެ އަމާޒުތައް ކަނޑައެޅުމާއި ބެހޭ ގޮތުން އެމެރިކާގެ މަސްއޫލުވެރިން ޔޫކްރޭނުގެ ސިފައިންނަށް އިރުޝާދު ދީފައިވާ ކަމަށް ނޭޝަނަލް ސެކިއުރިޓީ ކައުންސިލްގެ ތަރުޖަމާނު ޖޯން ކިރްބީ ވިދާޅުވެއްޖެ އެވެ.
ރަޝިޔާގެ އެންމެ އެތެރެއަށް އޭޓީއޭސީއެމްއެސްގެ މިސައިލް ބޭނުންކޮށްގެން ހަމަލާ ދެވޭނެ ގޮތްތަކާ ބެހޭ ގޮތުން ސުވާލު ކުރުމުން ތަރުޖަމާނު ކިރްބީ ވިދާޅުވީ މިސައިލްތައް ބޭނުންކުރުމާ ގުޅޭ ގޮތުން "އެއްވެސް ބަދަލެއް ނާންނަ" ކަމަށެވެ.
"މިވަގުތު އެމީހުންނަށް (ޔޫކްރޭންގެ ސިފައިންނަށް) އޭޓީއޭސީއެމްއެސް ބޭނުންކޮށްގެން އެންމެ އަވަހަށް ބޭނުންވާނެ ގޮތަށް ދިފާއުވުމުގެ ގާބިލްކަން ލިބޭނެ،" ކިރްބީ ވިދާޅުވި އެވެ.
ނިއުޔޯކް ޓައިމްސް އިން ނޮވެމްބަރު 17 ވަނަ ދުވަހު ރިޕޯޓްކޮށްފައިވާ ގޮތުގައި އެމެރިކާގެ ރައީސް ޖޯ ބައިޑަން ވަނީ ރަޝިޔާގެ އެތެރޭގެ އަމާޒުތަކަށް ހަމަލާ ދިނުމަށް އެމެރިކާއިން ފޯރުކޮށްދޭ އޭޓީއޭސީއެމްއެސް ޓެކްޓިކަލް ބެލިސްޓިކް މިސައިލް ބޭނުން ކުރުމުގެ ހުއްދަ ދީފަ އެވެ. އީޔޫގެ މަތީ ޑިޕްލޮމެޓް ޖޯސެޕް ބޮރެލް ވަނީ ރަޝިޔާގެ އެތެރެއިން 300 ކިލޯމީޓަރާއި ހަމައަށް ހަމަލާދެވޭނެ ކަމުގެ ފެހި ސިގްނަލަށް ޔޫކްރައިނަށް ދީފައެވެ.
ރަޝިޔާގެ ރައީސް ވްލަޑިމިއާ ޕޫޓިން ސެޕްޓެމްބަރު 12 ގައި ފާހަގަކުރެއްވި ގޮތުގައި ހުޅަނގުގެ އެހީތެރިކަމާ ނުލައި ޔޫކްރޭނަށް ރަޝިޔާގެ ސަރަހައްދުގެ ފުންމިނަށް ހަމަލާ ނުދެވޭ ސަބަބަކީ އެކަން ކުރުމަށް ސެޓެލައިޓް އިންޓެލިޖެންސާއި ފްލައިޓް މިޝަންތައް ބޭނުންވާތީ އެވެ.
ޔޫކްރައިނުން ދާދިފަހުން ވަނީ އެެމެރިކާގެ ބެލަސްޓިކް 6 މިސައިލު ބޭނުންކޮށްގެން ރަޝިޔާގެ ފުނަށް ހަމަލާދޭން މަސައްކަތް ކޮށްފައެވެ. އެކަމަކު އަމާޒަށް ވާސިލުވުމުގެ ކުރިން ރަޝިޔާއިން މި މިސައިލުތައް ވައްޓާލީއެވެ. ޔޫކްރައިނުގެ މި ހަމަލާގެ ބަދަލު ރަޝިޔާއިން ހިފީ ޔޫކްރޭންގެ ޑިފެންސް އިންޑަސްޓްރީގެ ފެސިލިޓީއެއް ކަމަށްވާ ޑްނެޕްރު (ކުރިން ޑްނެޕްރޮޕެޓްރޮވްސްކް) ގައި ހުންނަ ޔޫޒްމާޝް ޕްލާންޓަށް ނިއުކްލިއާ ނޫން ވޯހެޑަކުން ރަޝިޔާގެ އެންމެ އާ އޮރެޝްނިކް ހައިޕަރސޮނިކް އިންޓަރމީޑިއަޓް ރޭންޖް ބެލިސްޓިކް މިސައިލުން ހަމަލާ ދީގެންނެވެ. އެމެރިކާ އާއި ހުޅަނގުގެ ދެފުއްދެގޮތް ސިޔާސަތުތަކުގެ ސަބަބުން ކުރިމަތިލުން އިތުރަށް ބޮޑުވެއްޖެނަމަ ނިއުކްލިއަރ ހަތިތާރު ބޭނުން ކުރަން ފަސްނުޖެހޭނެކަން ރަޝިޔާގެ ލީޑަރު ޕޫޓިން ވަނީ އިންޒާރު ކުރައްވާފައެވެ.
