ޓޫރިޒަމްފަދަ އާ ސިނާއަތެއް ދިރުވުވުމަށް ދިވެހި ޒުވާނުން ހިތްވަރުލާ މަސައްކަތްކޮށްދެއްވުމަށް ރައީސުލްޖުމްހޫރިއްޔާ އިބްރާހިމް މުޙައްމަދު ޞާލިޙް ޒުވާނުންގެ ކިބައިން އެދިވަޑައިގެންފިއެވެ.
ރައީސުލުލްޖުމްހޫރިއްޔާ، އާ ސިނާއަތެއް ދިރުވުމަށް ޒުވާނުންގެ ކިބައިން އެދިވަޑައިގަތީ، ދިވެހިރޢްޖޭގެ ފަތުރުވެރިކަމަށް 50 އަހަރު ފުރުމުގެ މުނާސަބަތުގައި ރޭ ކުރުބާ މޯލްޑިވްސްގައި ބޭއްވި ގާލާނައިޓްގައި ވާހަކަފުޅުދައްކަވަމުންނެވެ.
ރޭގެ ހަފުލާގައި ރައީސުލްޖުމްހޫރިއްޔާ ވިދާޅުވީ ޓޫރިޒަމުން ނަގައިދޭ ފިލާވަޅަކީ ރާއްޖޭގައި ނެއްކަމެއްވެސް ތަރަށްޤީކޮށް ކާމިޔާބު މަސައްކަތަށް ހެދިދާނެކަމަށެވެ. އެކަން ހާޞިލް ކުރަން ބޭނުންވަނީ ޢިލްމުގެ އަލީގައި ސިކުނޑީގައި އީޖާދީ ވިސްނުން އުކުރުވަންކަމަށް ވިދާޅުވެ ، ކަންކަމާމެދު ދެކޭގޮތާއި ވިސްނާގޮތް ބަދަލުކުރުމަށް ރައީސުލްޖުމްހޫރިއްޔާ ޒުވާނުނުންނަށް ގޮވާލެއްވިއެވެ.
ރޭގެ ހަފްލާގައި ޒޫވާން ޖީލަށް ރައީސް ގޮވާލެއްވީ، ދިވެހިރާއްޖެއަށް އާ، ކޮންމެވެސް ސިނާއަތެއް އުފެއްދުމަށެވެ. ނުވަތަ އާ އީޖާދެއް އުފެއްދުމަށް މަސައްކަތްކުރުމަށެވެ. މުޅިޤައުމަށް ބޭނުނުންހިފޭ ފަދަ މުޅިން އާ ކަމަކާއި މެދު ވިސްނުންހިންގަން ފެށުމަށެވެ. އޭރަށް ﷲ އިރާދަކުރެއްވިޔާ ކާމިޔާބުގެ މަގު ފެންނާނެކަމަށް ރައީސް ވިދާޅުވިއެވެ.
