އިންޓަރނޭޝަނަލް ކްރިމިނަލް ކޯޓުގެ ނަޒާހަތްތެރި ކަމާމެދު ޒަޔަނިސްޓުން މިއަދު ސުއާލު އުފެއްދުމުން ކޯޓުން ރައްދު ދީފިއެވެ. ކޯޓުން ބުނެފައި ވަނީ ފަނޑިޔާރު ބެޓީ ހޯލަރ އަކީ ނަޒާހަތްތެރި ފަނޑިޔާރެއް ކަމަށެވެ. އަދި ހައްޔަރު ކުރުމުގެ އަމުރު ނެރުމަކީ އެ ފަނޑިޔާރުގެ ޗެމްބަރުގެ އިޚުތިސާސެއް ކަމަށެވެ.
ފަނޑިޔާރު ހޯލަރ އަކީ ސްލޮވީނިއާގެ ބޭފުޅެކެވެ. އޭނާ އެމަގާމަށް އައްޔަން ކޮށްފައި ވަނީ ކުރީގެ ފަނޑިޔާރު ޖޫލިއާ މޮޓޮކް އިސްތިއުފާ ދެއްވުމާ ގުޅިގެންނެވެ. މޮޓޮކްއަކީ ރޮމޭނިއާގެ ބޭކަނބަލެކެވެ. އޭނާ އިސްތިއުފާ ދެއްވީ ކޯޓުގެ ފަނޑިޔާރުން ބެލްކްމެއިލް ކުރުމަށް ޒަޔަނިސްޓުން މަސައްކަތް ކުރަމުން ދަނިކޮށް، ސިއްޙީ ސަބަބުތަކާ ހެދި ކަމަށް ވިދާޅުވެގެންނެވެ.
