ސައޫދީ އަރަބިއްޔާއަށް ދެކުނު އެފްރިކާގެ ރައީސް ކުރެއްވި ދަތުރުފުޅުގައި 15 ބިލިއަން ޑޮލަރުގެ ވިޔަފާރި އެއްބަސްވުންތަކުގައި ސޮއިކޮށްފިއެވެ. ދެކުނު އެފްރިކާގެ ރައީސް ސިރިލް ރަމަފޯސާގެ ދަތުރުފުޅުގައި ދެ ފަރާތުން އެއްބަސްވީ އިންވެސްޓްމެންޓް ފުޅާ ކުރުމަށާއި ޚާއްސަކޮށް އިއާދަކުރަނިވި ހަކަތަ، އަދި އުފެއްދުންތެރިކަމާއި މައިނިންއާއި، ޓޫރިޒަމް އަދި ލޮޖިސްޓިކްސް އާއި ދަނޑުވެރިކަމުގެ ދާއިރާތަކުން ދެގައުމު ކުރިއަށްދާށެވެ.
ދެކުނު އެފްރިކާގެ ރައީސް ސިރިލް ރާމާފޯސާގެ ދަތުރުފުޅުގައި ސައޫދީ ވަލީއަހުދު މުޙައްމަދު ބިން ސަލްމާނާއެކު ޖިއްދާގެ އައްސަލާމް ޕެލަސްގައި ބައްދަލު ކުރައްވައި، ދެ ފަރާތުން ވަނީ ރަސްމީ މަޝްވަރާތައް ބާއްވަވާފައެވެ.
އަދި ހައިޑްރޯކާބަން ވަސީލަތްތައް ޖައްވަށް ދޫކުރާ މިންވަރު ބެލެހެއްޓުމާއި، ހަކަތަ ދާއިރާގެ އުފެއްދުންތަކާއި އެއާ ގުޅުންހުރި ސަޕްލައިތައް ލޯކަލައިޒްކުރުމަށް މަސައްކަތްކުރުމާއި، މި ދާއިރާތަކާ ގުޅުންހުރި މަޝްރޫއުތައް ތަރައްގީކުރުމަށް ހައިޑްރޯޖަން، އިނޮވޭޝަން އަދި ސާފު ޓެކްނޮލޮޖީތަކުގެ ދާއިރާއިން އެއްބާރުލުން ދިނުމަށް ދެ ގައުމުން އެއްބަސްވެފައި ވެއެވެ.
މޫސުމަށް އަންނަ ބަދަލުތައް ދިރާސާކޮށް ޕެރިސް އެއްބަސްވުމުގެ އުސޫލުތަކަށް ތަބާވުމުގެ މުހިންމުކަން ވެސް ދެ ފަރާތުން ފާހަގަކުރެއްވި އެވެ.
އޭގެ އިތުރުން ދަނޑުވެރިކަމާއި ކާބޯތަކެތީގެ ރައްކާތެރިކަމާ ބެހެ ގޮތުން އެކި ދާއިރާތަކުން އިންވެސްޓްމަންޓް ޕާޓްނަޝިޕްތައް ކުރިއަށް ގެންދިއުމަށްވެސް އެއްބަސްވެވަޑައިގަތެވެ.
