އޯޕެކް ޕްލަސްއިން ތެޔޮ އުފެއްދުން މަދުކުރުމަށް ނިންމި ނިންމުމާ ދެކޮޅަށް އެމެރިކާއިން ސައޫދީ އަރަބިއްޔާއާ ޖައްސާލުމުން ސައޫދީ އަރަބިއްޔާގެ ތާއީދުގައި ގައުމުތަކުން ބަޔާން ނެރެން ފަށައިފިއެވެ.
މިއަދު މޮރޮކޯއިން ނެރުނު ބަޔާނެއްގައި ބުނެފައި ވަނީ ސައޫދީ އަރަބިއްޔާއިން ނިންމާ ކޮންމެ ނިންމުމަކީ އެގައުމުން ތާއީދު ކުރާނެ ނިންމުމެއް ކަމަށެވެ.
އޫއޭއީން ނެރުނު ބަޔާނުގައި ބުނެފައި ވަނީ އޯޕެކް ޕްލަސްއިން ނިންމާފައިވާ ނިންމުމަކީ މެމްބަރުން ވޯޓްލައިގެން ނިންމި ނިންމުމެއް ކަމަށެވެ.
ސަލްތަނަތު އޮމާނުން ނެރުނު ބަޔާނުގައި ބުނެފައި ވަނީ އޯޕެކް ޕްލަސްއިން ނިންމި ނިންމުމަށް ތާއީދު ކުރާ ކަމަށެވެ.
އޯޕެލް ޕްލަސްއިން ތެޔޮ އުފެއްދުން މަދުކުރުމުން އެމެރިކާއިން ވަނީ ސައޫދީ އަރަބިއްޔާއަށް އަދަބު ދޭނެ ކަމަށް އިންޒާރު ކޮށްފައެވެ. އަދި ޖީ20ގެ ބައްދަލުވުމުގައި ސައޫދީ ވަލީ އަހުދު އެކަހެރި ކުރައްވާނެ ކަމަށްވެސް އެމެރިކާގެ ރައީސް ވަނީ އިންޒާރު ކުރައްވާފައެވެ. ނަމަވެސް ރިޔާޟްގައި ވަލީ ޢަހުދު މުޙައްމަދު ބިން ސަލްމާނާއެކު ބޭއްވެވި ބައްދަލުވުމުގައި އަމީރު މުޙައްމަދު ވަނީ އެމެރިކާގެ ރައީސަށް ކުރު ދޮށިން ދެއްވާފައެވެ.
