އަންނަ އަހަރު ޖެނުއަރީމަހުގައި ވިލާކޮލެޖު އައްޑޫ ހިތަދޫ ކެމްޕަހުގައި ކިޔެވުމުގެ ފުރުސަތު ހުޅުވާލައިފިއެވެ.
އެތަނުން ވިދާޅުވީ 2021 ވަނަ އަހަރު ޖެނުއަރީމަހު ފަށާ ކޯސްތަކަށް އެދުމުގެ މުއްދަތު ހަމަވާނީ ޑިސެމްބަރު 19 ވަނަ ދުވަހުގެ ނިޔަލަށް ކަމަށެވެ.
ދިވެހި ރާއްޖޭގެ އެއްމެ ފުރަތަމަ ޕްރައިވެޓް ކޮލެޖް ކަމަށްވާ ވިލާކޮލެޖުން ވިދާޅުވީ ޖެނުއަރީގައި ފަށާ ކޯސްތަކުގެ ތެރޭގައި އަމިއްލަ ކޯސް ތަކާއި، އިނގިރޭސި ވިލާތުގެ ޔުނިވާސިޓީ އޮފް ދި ވެސްޓްއޮފް އިންގްލެންޑްގެ ޕްރޮގަރާމްތައް ހިމެނޭ ކަމަށެވެ.
ކުލާހުގައި ކުރިޔަށް ގެންދާ ފޭސް ޓު ފޭސް ކޮށް ކިޔަވައިދޭ ކޯސްތަކާއި އޮންލައިންކޮށް ކިޔަވައިދޭ ގިނަ ކޯސްތަކަކަށް ފުރުސަތު އޮތްކަމަށް ހިތަދޫ ކެމްޕަހުން ވިދާޅުވިއެވެ.
ކޯސް ތަކަށް ކުރިމަތި ލުމަށް އެޕްލިކޭޝަން ފޯމާއި ތައުލީމީ ސެޓްފިކެޓް ތަކުގެ ކޮޕީއަކާއި އައިޑީ ކާޑުގެ ކޮޕީއެއް ހުށަހަޅަން ޖެހެއެވެ. އެ ލިޔެކިޔުންތައް އީމެއިލް ([email protected] ) ކުރައްވައިގެން ނުވަތަ ވިލާ ކޮލެޖް ހިތަދޫ ކެމްޕަހަށް ގޮސް ވެސް ހުށަހެޅޭނެ ކަމަށް އެތަނުން ވިދާޅުވިއެވެ.
ވިލާ ކޮލެޖް ހިތަދޫ ކެމްޕަހުގައި ޖެނުއަރީ ގައި ފަށާ ކޯސް ތަކުގެ މައުލޫމާތާއި ކިޔެވުމާ ގުޅޭ އެހެންވެސް މައުލޫމާތެއް އޮޅުން ފިލުވަން ބޭނުން ނަމަ ވިލާ ކޮލެޖް ހިތަދޫ ކެމްޕަހުގެ 7445351 ނަމްބަރަށް ގުޅުއްވައިގެން ނުވަތަ މިނަމްބަރަށް ވައިބަރ ކުރައްވައިގެން ނުވަތަ ވިލާކޮލެޖް ހިތަދޫ ކެމްޕަހުގެ ފޭސްބުކް ޕޭޖް މެދުވެރިކޮށް ނުވަތަ ވިލާ ކޮލެޖް ހިތަދޫ ކެމްޕަހުން އީމެއިލް މެދުވެރިކޮށް މައުލޫމާތު ސާފުކުރެވޭނެ ކަމަށް ހިތަދޫ ކެމްޕަހުން މައުލޫމާތު ދެއްވިއެވެ.
ގިނަބަޔަކު ޤަބޫލު ކުރާ ގޮތުގައި ރާއްޖޭގައި ދެވޭ އެންމެ ފެންވަރު ރަނގަޅު މަތީ ތައުލީމް ފޯރުކޮށްދޭ އެއް އިންސްޓިޓިއުޝަނަކީ ވިލާ ކޮލެޖެވެ.
