އިނގިރޭސިވިލާތުގެ ސަރުކާރުން ގާނޫނާ ހިލާފަށް އަމަލުކޮށް އަސީރުން ލައްވައި ޗައިނާގައި އުފައްދާފައިވާ މުދާ އެތެރެ ކޮށްފައިވާ ކަމަށް ކޯޓުގައި ބުނެފިއެވެ.
ވަރލްޑް އުއިގޫރު ކޮންގްރެސްގެ ވަކީލުން ބުނީ ޗައިނާގެ ޝިންޖިއާން ސަރަހައްދުގައި އުފައްދާފައިވާ އަދި ގަދަބާރުން މަސައްކަތް ކުރުވައިގެން ސާފުކޮށްފައިވާ ކަފަ އިނގިރޭސިވިލާތުގެ ރީޓެއިލް ވިޔަފާރިވެރިންނަށް ލިބި އެފަރާތްތަކުން އެއިން މާލީ މަންފާ ނަގާފައިވާ ކަމަށެވެ.
ޗައިނާއަށް ތުހުމަތު ކުރެވެނީ މުސްލިމުންގެ މިލިއަނެއްހައި އުއިގޫރު މުސްލިމުން ހުރަގެތަކުގައި ބަންދުކޮށްގެން އެމީހުން ލައްވައި މަޖުބޫރުން މަސައްކަތް ކުރުވާ ކަމަށެވެ.
ޗައިނާއން ވަނީ މިތުހުމަތުތައް ރައްދުކޮށްފައެވެ.
އިނގިރޭސި ސަރުކާރުގެ ވަކީލުން ވިދާޅުވީ ވަރލްޑް އުއިގޫރު ކޮންގްރެސްއިން ބުނާ ވާހަކަތައް އިތުރަށް ސާބިތުކޮށް ދިނުމަށް އިތުރު ހެކި ބޭނުންވާ ކަމަށެވެ.
ދުނިޔޭގައި އުފައްދާ ކަފައިގެ 20 ޕަސެންޓް އުފައްދަނީ ޗައިނާގައެވެ.އަދި ޗައިނާގައި އުފައްދާ 85 ޕަސެންޓް ކަފައަކީ ޝިންޖިއާންގައި އުފައްދާ ކަފައެވެ.
ލަންޑަންގެ ހައިކޯޓުގައި ބޭއްވި ދެ ދުވަހުގެ އަޑުއެހުންތަކުގެ ތެރެއިން ފުރަތަމަ ދުވަހު ވޯލްޑް އުއިގޫރު ކޮންގްރެސް އާއި ގްލޯބަލް ލީގަލް އެކްޝަން ނެޓްވޯކްގެ ފަރާތުން ޓޮމް ފޯސްޓާ ކޭސީ ވިދާޅުވީ އެ މައްސަލައަކީ ހީހީއަށް ލަފާކޮށްގެން ހުށަހަޅާފައިވާ މައްސަލައެއް ނޫން ކަމަށާއި އެއީ އިނގިރޭސިވިލާތުގެ ސަރުކާރުން ނިންމާ އަދާ ކުރުމުގައި އހުމާލުވުމުން ހުށަހަޅާފައިވާ ދައުވާއެއް ކަމަށެވެ.
ވާޖިބާ މެދު ކަންބޮޑުވާ ކަމަށެވެ "ހަޑި މުދާ" ރާއްޖެ އެތެރެވަމުން ދިޔައީ ޝިންޖިއާންގް އިންނެވެ.
އިނގިރޭސި ސަރުކާރުގެ ވަކީލު ވިދާޅުވީ ޝިންޖިއާންގްގައި ތިބި އުއިގޫރު މީހުންނާއި އެހެނިހެން ބައިމަދު މީހުންނަށް ޗައިނާ ކޮމިއުނިސްޓް ޕާޓީން ފިއްތާލުމަށް ކުރާ މަސައްކަތަކީ ބިރުވެރި މަސައްކަތެއް ކަމަށް ސަރުކާރުން ދެކޭ ކަމަށެވެ.
ނަމަވެސް ބޭރުގެ ޖަލެއްގައި ތބޭ ގައިދީންގެ ބަޔަކު ލައްވައި މުދާ އުފައްދައިފައި ވާނަމަ އެކަމެއްގެ ސާފު ގުޅުމެއް އޮންނަން ޖެހޭ ކަމަށް އޭނާ ވިދާޅުވި އެވެ.
