މި އަހަރު ނިމުމުގެ ކުރިން އިންޑިއާއިން ވަނީ އެކުވެރި ގައުމުތަކާއެކު އަސްކަރީ އިންޓައޮޕަރޭބިލިޓީ އިތުރަށް ވަރުގަދަ ކުރުމަށް ކޮމްބަޓް ތަމްރީނުތަކެއް ބޭއްވުމަށް ރާވާފައެވެ. ހަނގުރާމަ މަތީ މަނަވަރުތަކާއި ސަބްމެރިންތަކާއި މަތިންދާބޯޓުތަކާއި ހެލިކޮޕްޓަރުތައް ބޭނުން ކޮށްގެން އިންޑިއާ، އެމެރިކާ، ޖަޕާން އަދި އޮސްޓްރޭލިއާ އިން ޖަޕާނުގެ ޔޮކޯސޫކާގެ ކަނޑުގައި ނޮވެމްބަރު 8 އިން 18 އަށް އެންމެ މަތީ ފެންވަރުގެ މަލާބާރު ތަމްރީނަށް ބާއްވާނެއެވެ.
މި މަހުގެ ކުރީކޮޅު އެމެރިކާގެ އާ ގައުމީ ސަލާމަތީ ސްޓްރެޓެޖީ ގައި ބުނެފައި ވަނީ ބައިނަލްއަގްވާމީ ނިޒާމު އަލުން ބައްޓަން ކުރުމުގެ "ނިޔަތާއި ގާބިލްކަން" ވެސް އޮތް ހަމައެކަނި އެމެރިކާގެ ވާދަވެރި ގައުމަކީ ޗައިނާ ކަމަށެވެ.
"އިންޑިއާ އަކީ ދުނިޔޭގެ އެންމެ ބޮޑު ޑިމޮކްރަސީ އަދި ޑިފެންސްގެ ދާއިރާއިން ބޮޑު ބައިވެރިއަކަށް ވާތީ، އެމެރިކާ އާއި އިންޑިއާ ގުޅިގެން މަސައްކަތް ކުރާނީ، ބައިލެޓަރަލް އަދި މަލްޓިލޭޓަރަލް ރޮނގުން، މިނިވަން އަދި ހުޅުވާލެވިފައިވާ އިންޑޯ ޕެސިފިކްގައި ރަހުމަތްތެރިން ހިއްސާވާ ތަސައްވުރަށް،" ކަމަށް އިތުރަށް އެ ޑޮކިއުމެންޓްގައި ބުނެފައިވެ އެވެ.
