އިންޑިއާގެ ޑިފެންސް މިނިސްޓަރު ރާޖްނާތު ސިންގް ވަނީ 25 މިނެޓުގެ ފޯނު މޝްވަރާއެއްގައި ވާހަކަ ދައްކަވަމުން ރަޝިޔާގެ ޑިފެންސް މިނިސްޓަރަށް ނިއުކްލިއަރ ބޭނުން ނުކުރެއްވުމަށް ބާރު އަޅުއްވާފައެވެ. ސަރްގޭ ޝޮއިގޫ އާ ވާހަކަ ދައްކަވަމުން ސިންގ ވިދާޅުވީ ޔޫކްރޭނާ އެކު އޮތް މައްސަލަ ހައްލު ކުރަން ޖެހޭނީ މަޝްވަރާ އާއި ޑިޕްލޮމެސީގެ ތެރެއިން ކަމަށެވެ.
"ނިއުކްލިއާ ނުވަތަ ރޭޑިއޮލޮޖިކަލް ހަތިޔާރު ބޭނުންކުރުމުގެ ފުރުސަތު އިންސާނިއްޔަތުގެ އަސާސީ އުސޫލުތަކާ ހިލާފް ކަމެއް ކަމުގައިވާތީ ނިއުކްލިއާ ހަތިޔާރު ބޭނުންކުރުމަށް އެއްވެސް ފަރާތަކުން ދީލާލައިގެން ނުވާނެ ކަމަށް ސިންގ ފާހަގަކުރެއްވި،" އިންޑިއާގެ ޑިފެންސް މިނިސްޓްރީގެ ބަޔާނުގައިވެ އެވެ.
ޝޮއިގޫ ވަނީ ޔޫކްރޭންގެ ހާލަތު ގޯސްވަމުންދާ ގޮތާ ބެހޭ ގޮތުން ސިންގް އަށް މައުލޫމާތު ދެއްވާފައެވެ.
ބުދަ ދުވަހު ޝޮއިގޫ ވަނީ ޔޫކްރޭނުން އެ ހަނގުރާމައިގައި ނިއުކްލިއަރ ބޮމެއް ބޭނުން ކުރަން ރާވާފައިވާތީ އެކަމުގެ ކަން ބޮޑުވުން އޮތް ކަމަށް ޗައިނާގެ ވަޒީރު ވޭ ފެންގޭއަށް ވެސް ދަންނަވާފައެވެ.
