ޗައިނާގެ ސަފީރު ސަން ވެއިޑޮންގް އާއި އެކު އިންޑިއާގެ ޚާރިޖީ ވަޒީރު ބޭއްވެވި އަލްވަދާއުގެ ބައްދަލުވުމެއްގައި އެސް ޖައިޝަންކަރު ވިދާޅުވީ އިންޑިއާ އާއި ޗައިނާގެ ގުޅުން ރަގަޅު ކުރުމަކީ ދެ ގައުމުގެ މަސްލަހަތާއި އޭޝިއާގެ އަދި "ދުނިޔޭގެ ވެސް މަސްލަހަތު" ކަމަށެވެ. އިރުމަތީ ލަދާކްގެ އަސްކަރީ މައްސަލަ ދެ ގައުމުގެ މެދުގައި އަދި ފުރިހަމައަށް ހައްލު ނުކުރެވި އޮތް ކަން ފާހަގަ ކުރައްވަމުން ބޯޑަރު ސަރަހައްދުތަކުގައި ސުލްހައާއި ހަމަޖެހުން ގާއިމްވެފައި އޮތުމަކީ ކޮންމެހެން ބޭނުންތެރި ކަމެއް ކަމަށް ޖައިޝަންކަރު ވިދާޅުވިއެވެ.
މީގެ ކުރިން ޖަޔަޝަންކަރު ވަނީ އިންޑިއާ ޗައިނާގެ ގުޅުމަށް ތިން ނުކުތާއެއް ފާހަގަ ކުރައްވާފައެވެ. އެއީ، އެއްބަޔަކު އަނެއްބަޔަކަށް އިޙްތިރާމްކުރުމާއި، އެއްބަޔަކު އަނެއްބަޔަކަށް ހައްސާސް ނުވުމާއި އެއްބަޔަކު އަނެއްބަޔަކަށް ޝައުޤުވެރިކަން އިތުރު ކުރުމަށް މަސައްކަތް ކުރުމެވެ.
ސަރަހައްދުގައި ބައެއް މައްސަލަ ބޮޑު ހިސާބުތަކުގައި ދެފަރާތިގެ ސިފައިން ފެއަށް ޖެހިފައިވާ އިރު އިންޑިއާއިން ބުނަނީ ގުޅުންތަކުގައި އާންމު ހާލަތު އަލުން ގާއިމްކުރުމަށްޓަކައި ބާކީ ހުރި ސަރަހައްދުތަކުގައި ކަންކަން އެ ގޮތަށް ނިންމަން ޖެހޭނެ ކަމަށެވެ.
