ޔުނައިޓެޑް އަރަބް އެމިރޭޓްސްގެ މިނިސްޓަރު އޮފް ސްޓޭޓް ފޯ އާޓިފިޝަލް އިންޓެލިޖެންސް އުމަރު ސުލްތާން އަލް ޢުލަމާ ވިދާޅު ވަނީ ވިޔަފާރި ފުޅާކޮށް އިންޑިއާއާއި ޔޫއޭއީ ފަދަ ގައުމުތަކުން ދުނިޔެއަށް ބާރުގަދަ ކުރަންވީ ވަަގުތު މިހާރު މި އޮތީ އައިސްފައެވެ.
ޔުނައިޓެޑް އަރަބް އެމިރޭޓްސްގެ މިނިސްޓަރު މިހެން ވިދާޅުވީ އޮބްޒާވަރ ރިސާޗް ފައުންޑޭޝަން (އޯއާރުއެފް) އިން އިންތިޒާމްކޮށްގެން ސައިފައި2022 ގެ ނަމުގައި ބޭއްވި ހަރަކާތުގައި ވާޗުއަލްކޮށް ވާހަކަ ދައްކަވަމުންނެވެ.
"މިއަދު ދުނިޔޭގައި ވެރިކަން ކޮށް ނުފޫޒު ފޯރުވުމުގެ މަގަކީ ވިޔަފާރި. އިންޑިއާ އާއި ޔޫއޭއީ ފަދަ ގައުމުތަކަށް ގުޅިގެން މަސައްކަތް ކުރެވޭނަމަ ދުނިޔޭގައި އަހަރެމެންގެ ނުފޫޒު ވަރަށް ބޮޑަށް އިތުރުކުރެވޭނެ،" އުލަމާ އޭނާގެ ވީޑިއޯ ސްޕީޗްގައި ވިދާޅުވި އެވެ.
ޔޫއޭއީގެ މިނިސްޓަރު ވިދާޅުވީ އިންޑިއާ އާއި ޔޫއޭއީ އާއި ދެމެދު އެއްބާރުލުން ދިނުމަށް އެތައް ދާއިރާއެއްގައި މަސައްކަތް ކުރެވެމުންދާ ކަމަށެވެ.
ޢުލަމާ އަކީ ދުނިޔޭގައި ހުރި ހަމައެކަނި އާޓިފިޝަލް އިންޓެލިޖެންސްގެ މިނިސްޓަރެވެ.
