އީރާނުގެ ޝިރާޒްގައި ހުންނަ ޝާހޭ ޗިރާގް ޒިޔާރަތަށް ދިން ޓެރަރިސްޓް ހަމަލާ އިންޑިއާ އިން ހަރުކަށި އިބާރާތުން ކުށްވެރިކޮށްފި އެވެ. އީރާނުގެ ޝިރާޒް ސިޓީގައި ހުންނަ ޝާހް ޗެރާގްގެ ޒިޔާރަތަށް ދިން ހަތިޔާރު އެޅި ހަމަލާއެއްގައި 15 މީހަކު މަރުވެ 40 މީހަކު ޒަހަމްވެފައިވެ އެވެ.
ބަޑިން އެ ހަމަލާދީފައިވަނީ ޝިރާޒް ސިޓީގައި ޝީއީ މަޒުހަބުގެ މީހުން ނަދުރު ބުނުމަށްދާ ޒިޔާރަތަކަށެވެ.
މި ހަމަލާގެ ޒިންމާ ނެގީ އައިއެސް އިންނެވެ. އެ ޖަމާއަތުގެ ޓެލެގްރާމް ޗެނަލްގައި ނެރުނު ބަޔާނެއްގައި އެކަން ކަށަވަރު ކޮށްދީފައި ވެއެވެ.
އީރާނުގެ ރައީސް، އިބްރާހިމް ރައިސީ ވަނީ އެ ހަމަލާއަށް ރައްދު ދެއްއވާނެ ކަމަށް އިންޒާރު ދެއްވާފައެވެ.
