ނޮވެމްބަރު މަހުގެ ދެ ވަނަ ދުވަހު ފާހަގަ ކުރާ ބައިނަލްއަގްވާމީ މީޑިއާ ދުވަހުގެ ކުރިން ޕާކިސްތާންގައި މަރާލާފައިވާ އަދި އަނިޔާ ލިބޭ ނޫސްވެރިންނާ ދެކޮޅަށް ހިންގާ ކުށްތަކަށް އަދަބު ނުދިނުން ނިމުމަކަށް ގެނައުމަށް ގޮވާލައިފިއެވެ. މީޑިއާ ފްރީޑޮމް ނެތްވާކުން ވަނީ ޕާކިސްތާނުގެ މަރާލާފައިވާ ނޫސްވެރިންނަށް އިންސާފެއް ނުލިބޭ ކަމަށް ބުނެ އެ އިދާރާގެ ފްރީޑަމް ނެޓްވަރކް 2022 ޝާއިއުކޮށްފައެވެ. އެ ރިޕޯޓުގައިވާ ގޮތުން 2012 އާއި 2022 އާ ދެމެދު ޕާކިސްތާނުގެ 53 ނޫސްވެރިން މަރާލައިފައި ވެއެވެ. ނަމަވެސް މި 53 މައްސަލައިގެ ތެރެއިން ކުށް ސާބިތުވެފައިވަނީ އެންމެ ދެ މައްސަލައެއްގައެވެ.
ރިޕޯޓުގެ ހޯދުންތަކަށް ވާހަކަދައްކަވަމުން ފްރީޑަމް ނެޓްވޯކްގެ އެގްޒެކެޓިވް ޑިރެކްޓަރު އިގްބާލް ޚައްތާކް ވަނީ ޕާކިސްތާނުގައި ނޫސްވެރިންގެ ސަލާމަތާ މެދު ސުވާލު އުފައްދަވައިފައެވެ. އޭނާ ވިދާޅުވީ ޕާކިސްތާނުގައި ނޫސްވެރިންނާއި މީޑިއާއާ ދެކޮޅަށް ހިންގާ ޖަރީމާތަކަށް އަދަބު ނުލިބުމަކީ ނުތަނަވަސް ވާން ޖެހޭ ކަމެއް ކަމަށެވެ. އަދި ކެންޔގައި ޕާކިސްތނުގެ ނޫސްވެރިއާ މަރާލުމުން އެނގެނީ ނޫސްވެރިންނާ ދެކޮޅަށް ކުށްކުރާ މީހުންނާއި ނޫސްވެރިކަމުގެ މިނިވަންކަމާ ދެކޮޅަށް ނިކުންނަ މީހުން ވަރުގަދަ ވަމުންދާ ކަން ކަމުގައެވެ.
ޕާކިސްތާނުގެ އިސް ނޫސްވެރިއެއް ކަމަށްވާ އަރްޝަދު ޝަރީފް (49) މަރާލާފައި ވަނީ އޮކްޓޯބަރު މަހުގެ 24 ވަނަ ދުވަހު ކެންޔާގައެވެ.
