ޗައިނާގެ ކޮމިއުނިސްޓް ޕާޓީގެ ލީޑަރު ޝީ ޖިންޕިންގެ ވެރިކަން ވަރުގަދަ ކުރެއްވުމަށް މުޅިން އައު ޓީމެއް ހޮއްވަވައިފި އެވެ. އެއީ އެންމެ މަތީ ލީޑަރު ބެއިޖިންގައި އިގްތިސާދާއި، ޚާރިޖީ ގުޅުންތަކާއި، އިންސާނީ ހައްގުތަކާ ގުޅޭ ގޮތުން އިތުރު ހަރުކަށި ސިޔާސަތުތައް ފާސްކުރުމުގެ ފުރުސަތު ބޮޑުކަމުންނެވެ.
ޗައިނާގެ އެންމެ މުހިންމު ހަތް ބޭފުޅުންގެ ޓީމު މިހާރު އެކުލެވިގެންވަނީ ޝީގެ ރިޔާސަތު ބަލަހައްޓަވާ އެ ޕާޓީގެ އާ ދާއިމީ ކޮމިޓީގައެވެ. އެ ހަ ބޭފުޅުންނަކީ ޝީ އަމިއްލައަށް ހޮއްވެވި ބޭފުޅުންނެވެ. އެބޭފުޅުންނަކީ ޝީގެ އަރިސް ބޭފުޅުންނެވެ. އަދި މި އާދަޔާ ހިލާފު ނިޒާމުގައި ޚިޔާލުތަފާތުވުންތަކަށް ޖާގައެއް ނެތެވެ.
ކޮމިއުނިސްޓް ޕާޓީ އޮފް ޗައިނާގެ ޕޮލިޓްބިއުރޯ ސްޓޭންޑިން ކޮމިޓީގައި ޝީއަށް ލަފާ އަރުވާ މުހިއްމު ފަރާތްތައް ޕްރޮމޯޓް ކުރެއްވި ނަމަވެސް އަހަރުތަކެއް ފަހުން ފުރަތަމަ ފަހަރަށް އެއްވެސް އަންހެނަކަށް ލީޑަޝިޕްގައި ޖާގައެއް ނުލިބުނެވެ.
ހޮވުނު ހުރިހާ މެމްބަރުންނަކީ ވެސް ޝީއަށް ސިޔާސީ ގޮންޖެހުމެއް ކުރިމަތިވުމުގެ ފުރުސަތު ކުޑަކުރުމަށްޓަކައި އާއިލީ ގުޅުމެއް ނެތް ނުފޫޒު ކުޑަ ފަރާތްތަކެވެ.
