ޗައިނާގެ ޔޫޓޮންގ ބަސް އުފައްދާ ކުންފުނީގެ ފެކްޓްރީއެއް ޕާކިސްތާންގެ ސިންދު ޕްރޮވިންސްގައި އެޅުމަށް ސިންދުގެ ސަރުކާރުން ޔޫޓޮންގ ކުންފުންޏަށް ދައުވަތު ދީފިއެވެ.
ސިންދު ޕްރޮބިންސްގެ ސަރުކާރުން މި ހުށަހެޅުން ހުށަހެޅީ ޗައިނާގެ ޔޫޓޮންގް އާއި ޕާކިސްތާނުން ޖޮއިންޓް ވެންޗާގައި ބައިވެރިވާ ޕާޓްނަރުން ކަމަށްވާ މާސްޓާ މޮޓޯސް ޕާކިސްތާނާ އެކު ބޭއްވި ބައްދަލުވުމެއް ގައެވެ.
ޕާކިސްތާނުގައި މިހާރުވެސް ޗައިނާގެ ގިނަ ކުންފުނިތަކުން އިންވެސްތް ކޮށްފައި ވެއެވެ. އަދި ޕާކިސްތާނުން ޗައިނާއަށް ދަރާފައިވާ ދަރަނިން ބޮޑު ބައެއް ނުދެއްކިފައިވެސް ވެއެވެ. އޭގެ ތެރޭގައި ކަރަންޓު އުފައްދާ ޗައިނާގެ އިންވެސްޓްމެންޓްތައް ހިމެނެއެވެ.
ޕާކިސްތާނު މިހާރު ވަނީ 13 އަހަރު ތެރޭގައި ދިމާ ނުވާ ވަރުގެ އިގްތިސާދީ ގޮން ޖެހުމަކާ ކުރިމަތިލާން ޖެހިފައެވެ. އިސްލާމްއާބާދުން މަސައްކަތް ކުރަމުން ދަނީ ދަރި ދެއްކޭނެ ގޮތްވެ ޑިފޯލްޓް ނުވެ ވޭތޯ އެވެ.
