އިންޑިއާ އިން ވަނީ އަސްކަރީ ދަތުރުފަތުރުގެ މަތިންދާބޯޓު އުފެއްދުމުގެ ގާބިލްކަން ހުރި ގާތްގަނޑަކަށް ދިހަވަރަކަށް ގައުމު ހިމެނޭ ކުލަބަށް ވަނުމަށް ތައްޔާރުވެފަ އެވެ.
އިންޑިއާގެ ޓާޓާއާއި އެއަރބަސް އިން ގުޅިގެން ސީ295 މަރުކާގެ މަތިން ދާބޯޓު އުފެއްދުމަށް ނިންމާފައި ވެއެވެ. އެކަމަށްޓަކައި ހަދާ ފެކްޓްރީގެ ބިންގާ މިއަދު އަޅުއްވައި ދެއްވީ ގުޖުރާތުގެ ވަޅޯދްރާގައި އިންޑިއާގެ ބޮޑު ވަޒީރެވެ.
މި ފެކްޓްރީގައި ބޯޓުތައް އުފައްދައި ޓެސްޓް ކޮށް އަދި ފެންވަރު ބަލައި ޑެލިވަރީ އާއި މެއިންޓެނަންސްގެ މަސައްކަތްތައް ކުރާނެ އެވެ.
އިންޑިއާގެ ވައިގެ ސިފައިންނާއި އެ ކުންފުންޏާ ދެމެދުވެފައިވާ އެއްބަސްވުމުގެ ޝަރުތުތަކުގެ ދަށުން ސެޕްޓެމްބަރު 2023 އާއި އޮގަސްޓް 2025 އާ ދެމެދު ބޭނުން ކުރެވޭ ހާލަތުގައި 16ސީ295 މަރުކާގެ 16 މަތިންދާބޯޓު ޑެލިވަރީ ކުރަން ޖެހެއެވެ. އަދި އިތުރު 40 މަތިންދާބޯޓު އުފައްދާައި ދޭންވެސ ޖެހެއެވެ.
