އަފްޣާނިސްތާނުގެ ބަލްޚް ސަރަހައްދުގައި ރަހީނުކުރުމާއި މަރުގެ މައްސަލަތައް އިތުރުވަމުންދާތީ ރައްޔިތުންގެ މެދުގައި ބިރުވެރިކަން އިތުރު ވެފައިވާ ކަމަށް ބުނެއެވެ.
މީހުން ރަހީނުކުރުމުގެ މައްސަލަތަކުގެ ޝިކާރައަކަށް ގިނައިން ވަނީ ޑޮކްޓަރުންނެވެ. ރައްޔިތުން ވަނީ އެކަން ކުރާ މީހުންނަށް އަދަބު ދިނުމަށް ސަލާމަތީ އޮފިޝަލުންނަށް ގޮވާލާފައެވެ.
"އަޅުގަނޑުމެންގެ ޑޮކްޓަރުންނަށް އަމާން ކަމާއެކު މަސައްކަތް ކުރެވޭނެ ގޮތަށް ހެދުމަށް ކަމާބެހޭ ފަރާތްތަކާއި އަސްކަރީ ވެރިން ސަމާލުކަން ދިނުމަށް އެދެން،" ޑޮކްޓަރެއް ކަމަށްވާ ފަޒަލް ރަހީމް ހުޝްމަންދު ވިދާޅުވި އެވެ.
އެހެން ޑޮކްޓަރެއް ކަމަށްވާ ސައީދު އާދިލްޝާހު ވިދާޅުވީ "އަޅުގަނޑުމެންގެ ހުރިހާ ޕްރޮފެޝަނަލުން ވެސް ކަންބޮޑުވަނީ އެމީހުންގެ ފުރާނައިގެ އިތުރުން އެމީހުންގެ އާއިލާތަކުގެ ފުރާނައާ މެދު" ކަމަށެވެ.
