ބްރެޒިލްގެ ވާތުފިޔައިގެ ކުރީގެ ރައީސް، ލުއިޒް އިނާސިއޯ ލޫލާ ޑަ ސިލްވާ އެގައުމުގެ ތާރީހުގައި އެންމެ ވާދަވެރި ރިޔާސީ ރޭހުގައި މިހާރުގެ ކޮންޒަވޭޓިވް ރައީސް ޖޭއާރު ބޮލްސޮނާރޯގެ މައްޗަށް ކާމިޔާބީ ހޯއްދަވައިފިއެވެ.
މީގެ ތިން އަހަރު ކުރިން ކޮރަޕްޝަންގެ ކުށުގައި ލޫލާއަށް ޖަލު ހުކުމެއް އައެވެ.
ލޫލާ ވެރިކަން ކުރެއްވީ 2003 އިން 2010 އަށެވެ.
ލޫލާއަށް ލިބިވަޑައިގެންފައި ވަނީ 60 މިލިއަން ވޯޓެވެ. އެއީ، 50.9 ޕަސެންޓެވެ.
ބޯ ގޯހެއް ކަމަށް ބުނާ ބޮލްސޮނާރޯ ވެވަޑައިގަތީ ގާނޫނުއަސާސީ އިސްލާހު ކުރުމަށްފަހު އަލުން ރައީސް ކަމަށް ކުރިމަތިލެވޭ ގޮތް ހެދިތާ 25 އަހަރު ތެރޭގައި އިންތިހާބު ކާމިޔާބު ނުވި ފުރަތަމަ ރައީސް އަށެވެ.
215 މިލިއަން މީހުން ދިރިއުޅޭ ބްރެޒިލްގައި ލޫލާ ހޯއްދެވި ކާމިޔާބީގެ މާނައަކީ ޖެނުއަރީ 1 ގައި އޭނާ މަގާމާ ޙަވާލުވެ ވަޑައިގަންނަވާއިރު އާޖެންޓީނާ އިން ފެށިގެން މެކްސިކޯއާ ހަމައަށް ލެޓިން އެމެރިކާގެ ކޮންމެ ބޮޑު ގައުމެއްގައި ވެސް ވެރިކަމުގައި ހުންނަވާނީ ވާތު ފިޔައިގެ ރައީސެކެވެ.
