ކޯވިޑް ބައްޔަކީ ލެބޯޓްރީއަކުން ދިމާވި މައްސަލއަކުން ކުރިމަތިވެފައިވާ ކަމެއް ކަމަށް އެމެރިކާގެ ސެނެޓް ކޮމިޓީއަކުން ތައްޔާރު ކުރި ރިޕޯޓެއްގައި ބުނެފިއެވެ. އެމެރިކާގެ ސެނެޓްގެ ކޮމިޓީ އޮން ހެލްތު، އެޑިއުކޭޝަން، ލޭބަރ އެންޑް ޕެންޝަންސް (އެޗްއެލްޕީ) ގެ މައިނޯރިޓީ އޮވަރސައިޓް ސްޓާފުން އާންމުކޮށްފައިވާ ވަގުތީ ރިޕޯޓެއްގައި ބުނެފައި ވަނީ "އާންމުކޮށް ލިބެން ހުރި މައުލޫމާތުތައް ތަހުލީލުކުރުމުން ބަލާއިރު، ކޮވިޑް-19 ގެ ބަލިމަޑުކަމަކީ، ރިސާޗާ ގުޅުންހުރި ހާދިސާއެއްގެ ނަތީޖާ ކަމަށް ނިންމުމަކީ ބުއްދިވެރި ކަމެއް ކަމަށް ފެނޭ. އާންމުންނަށް ލިބެން ހުރި އަދި މިނިވަންކަމާއެކު ޔަގީންކުރެވޭ އާ މައުލޫމާތުތަކުން މިއަށް ބަދަލެއް އައުމަކީ އެކަށީގެންވާ ކަމެއް" ކަމަށެވެ.
އެރިޕޯޓުގައި ފާހަގަކޮށްފައިވާ ގޮތުގައި މި ބަލި ފެތުރުނު ގޮތާއި، ބަލި ހޯދައި ގަތުމާއި އަދި ރިޕޯޓް ކުރުމުގެ ނިޒާމުތައް ހީކުރި ގޮތަށް މަސައްކަތް ނުކުރީ ކީއްވެގެންކަން ދެނެގަތުމާއި، ކުރިއަށް އޮތްތަނުގައި ސިއްހީ ނުރައްކާތެރިކަމަށް ރަނގަޅަށް ތައްޔާރުވުމަށް ވައިރަސްގެ އަސްލު ދެނެގަތުމަކީ ކޮންމެހެން ބޭނުންތެރި ކަމެއް ކަމުގައި ބުނެފައި ވެއެވެ.
މިދިޔަ ހަފްތާގައި ހެލްޕް ކޮމިޓީން ތައްޔާރު ކުރި "ކޮވިޑް-19 ޕެންޑެމިކްގެ އަސްލު ތަހުލީލު" ގެ ނަމުގައި ތައްޔާރު ކުރި ވަގުތީ ރިޕޯޓް މިހާރު ވަނީ އާންމު ކޮށްފައެވެ.
