ޗައިނާ ރައީސް ޝީ ޖިންޕިންގެ ތިން ވަނަ ދައުރުގައި އޭނާ ވަނީ ދުނިޔޭގައި ޗައިނާގެ ނުފޫޒު އިތުރުކުރުމަށް ވައުދުވެވަޑައިގެންފަ އެވެ. އެހެންވެ، ޗައިނާއިން އާދަޔާ ޚިލާފަށް އިތުރު ޑިޕްލޮމެޓިކް ހަރަކާތްތައް ފެންނާނެ ކަމަށ ލަފާ ކުރެވެއެވެ.
ވިއެޓްނާމްގެ ކޮމިއުނިސްޓް ޕާޓީގެ ވެރިޔާ ންގްޔެން ފޫ ޓްރޮންގް ވަނީ ހަތަރު ދުވަހުގެ ދަތުރުފުޅެއްގައި ޗައިނާއަށް ވަޑައިގެންފައެވެ. މިއީ ކޮމިއުނިސްޓް ޕާޓީ ކޮންގްރެސްއަށްފަހު ގެންނެވި ބަދަލަށްފަހު ރައީސް ޝީ އާ ބައްދަލުކުރައްވާ ފުރަތަމަ ބޭރުގެ ލީޑަރެވެ.
އެއަށްފަހު ޝީ އާއި އޭނާގެ އިސް އޮފިޝަލުން ޕާކިސްތާނުގެ ބޮޑުވަޒީރު ޝެހްބާޒް ޝަރީފާއި ޖަރުމަނުގެ ޗާންސެލާ އޮލަފް ޝޮލްޒް އަދި ޓެންޒޭނިއާގެ ރައީސް ސާމިއާ ސުލޫހޫ ހަސަންއާ އެކުވެސް މަޝްވަރާތަކެއް ބާއްވަވާނެ ކަމަށް ތާވަލްތައް ދައްކައެވެ.
އެމެރިކާގެ ރައީސް ޖޯ ބައިޑަން އާއި ރަޝިޔާގެ ވްލަޑިމިއާ ޕޫޓިން ހިމެނޭ ގޮތަށް ނޮވެމްބަރު މަހު ދުނިޔޭގެ ލީޑަރުން ބައިވެރިވާ ބޮޑެތި ސަމިޓްތަކަށް އިންޑޮނޭޝިއާ އާއި ތައިލެންޑަށް ޝީ ވަޑައިގަންނަވާނެ ކަމަށް ބެލެވެ އެވެ. އުމުރުން 69 އަހަރުގެ ޝީ ވަނީ ސައުދީ އަރަބިއްޔާއަށް ވެސް ދަތުރެއް ކުރައްވަން ރާއްވަވާފައެވެ.
ޝީގެ ބިޒީ ޑިޕްލޮމެޓިކް ޝެޑިއުލް އުފެދިފައިވަނީ ކޮމިއުނިސްޓް ޕާޓީގެ ކޮންގްރެސްގައި ދިހަ އަހަރަށް ދެ ފަހަރު ބާއްވާ ކޮންގްރެސްގައި ޗައިނާއިން "ބައިނަލްއަގްވާމީ ނުފޫޒު" ގައި ދުނިޔޭގެ ކުރިއެރުން ކަށަވަރު ކުރުމަށް ވައުދުވެވަޑައިގެންނެވި ފަހުންނެވެ.
ކޮވިޑާ ގުޅިގެން ޝީ ވަނީ ދުނިޔެއިން އެކަހެރިވެ ވަޑައިގެންފައެވެ. ޖެނުއަރީ 2020 ގައި އެގައުމުގައި ފުރަތަމަ ކޯވިޑް-19 ލޮކްޑައުން އިއުލާން ކުރެއްވި ފަހުން ގާތްގަނޑަކަށް 1،000 ދުވަސް ވަންދެން ޝީ ގައުމުން ބޭރަށް ވަޑައިގެންފައެއް ނުވެއެވެ.
