މި މަހުގެ 20 ވަނަ ދުވަހު ނޭޕާލްގައި ބާއްވަން ހަމަޖެހިފައިވާ އާންމު އިންތިހާބުގައި ބޭނުންކުރާނެ 200 އުޅަނދު ނޭޕާލްގެ އެދުމުގެ މަތިން އިންޑިއާ ސަރުކާރުން ހަވާލުކޮށްފިއެވެ. ނޭޕާލްގެ އެކި މުއައްސަސާތަކަށް ލޮޖިސްޓިކަލް ސަޕޯޓް ދިނުމަށް އިންޑިއާ އިން ހަދިޔާކުރި އުޅަނދުތައް ހަވާލުކޮށްދެއްވީ ނޭޕާލްގައި ހުންނަވާ އިންޑިއާގެ ސަފީރު ނަވީން ސްރިވަސްތާވާ އެވެ. ނޭޕާލުން އުޅަނދުތަކާ ޙަވާލުވެ ވަޑައިގަތީ މިނިސްޓަރު އޮފް ފިނޭންސް ޖަނާރުދާން ޝަރްމާއެވެ.
އިންޑިއާއިން މި ބުރުގައި ހަދިޔާ ކޮށްފައި ވަނީ 200 އުޅަނދެވެ. އެ 200 އުޅަނދުގެ ތެރެއިން 120 އުޅަނދު ސަލާމަތީ ބާރުތަކުން ބޭނުންކުރާއިރު 80 އުޅަނދު ނޭޕާލްގެ އިލެކްޝަންސް ކޮމިޝަނުން ބޭނުންކުރާނެ އެވެ.
މި އުޅަނދުތަކަކީ މުޅި ނޭޕާލްގެ އެކި މުއައްސަސާތަކުގެ ލޮޖިސްޓިކަލް އިންތިޒާމުތައް އިތުރަށް ފުރިހަމަ ކުރުމަށް ބޭނުންތެރި އުޅަނދުތަކަކަށް ވާނެ ކަމަށް ނެޕާލު ސަރުކާރުން ބުނެއެވެ.
އިންތިޚާބުތަކުގައި ބޭނުން ކުރުމަށް ނޭޕާލްގެ މުއައްސަސާތަކަށް ކުރިންވެސް 2400 އަށް ވުރެ ގިނަ އުޅަނދު ހަދިޔާކޮށްފައިވެއެވެ. އަދި ނޭޕާލް ޕޮލިސް އަދި އާރމްޑް ޕޮލިސް ފޯސްއަށް 2000 އުޅަނދު އަދި ގާތްގަނޑަކަށް 1000 ވެހިކަލާއި ނޭޕާލް ސިފައިންނާއި އިލެކްޝަންސް ކޮމިޝަނަށް 400 ވެހިކަލް. ކުރިން ބުރުގައި ހަދިޔާ ކޮށްފައި ވއެވެ.
