ޕާކިސްތާންގެ ތަހްރީކޭ އިންސާފް (ޕީޓީއައި) ގެ ލީޑަރު އައުޒަމް ސްވާތީ އަށް ބަންދުކޮށްފައި ހުރި އިރު އަނިޔާކޮށްފައިވާ ކަމަށް ވިދާޅުވެ އޭނާގެ އަނިޔާއަށް ޒިންމާ އުފުލާ ދެ އަސްކަރީ އޮފިޝަލުންގެ ނަން ހާމަ ކުރައްވައިފިއެވެ. ގާނޫނު ހަދާ މަޖިލީހުގެ މެމްބަރު ސްވާތީ ހައްޔަރުކޮށްފައި ވަނީ ސިފައިންނަށް ފާޑު ކިޔުމާ ގުޅިގެންނެވެ.
ސްވާތީ ތުހުމަތު ކުރެއްވި މީހުންނަކީ "މޭޖާ ޖެނެރަލް ފައިސަލް" އާއި "ސެކްޓަރ ކޮމާންޑަރ ފަހީމް" އެވެ. އޭނާއަށް އަނިޔާކުރުމާއި ބަންދުގައި ބެހެއްޓުމުގެ އަނިޔާގެ ފަހަތުގައި ތިބީ މި "ދެ ކުށްވެރިން" ކަމަށް ޑޯން އިން އޭނާއާ ހަވާލާދީ ރިޕޯޓްކޮށްފައިވެ އެވެ. ނަމަވެސް އެމީހުންގެ ފުރިހަމަ ނަން އޭނާ ހާމައެއް ނުކުރެއެވެ.
ސްވާތީ ވިދާޅުވީ ޕާކިސްތާންގެ ޖާސޫސީ އިދާރާ "އައިއެސްއައިގެ މަދު ފަރުދުންނަށް" ގައުމުގެ ވެރިން ބްލެކްމެއިން ކުރަނީ ކަމަށެވެ. އަދި އެމީހުންގެ ނުފޫޒުން އެއްވެސް މުއައްސަސާއެއް ރައްކާތެރި ނުވާނެ ކަމުގައި ވިދާޅުވިއެވެ.
މީގެ ކުރިންވެސް ސްވާތީ ވަނީ ޓުއިޓާގައި ސިފައިންނާ ދެކޮޅަށް ފާޅުގައި ފާޑުވިދާޅުވެފައެވެ.
ނޫސްވެރިންގެ ބައްދަލުވުމުގައި އޭނާގެ އަތުގައި ހުރި އަނިޔާގެ ނިޝާންތައް ވެސް އޭނާ ވަނީ ދައްކަވާފައެވެ. އޭނާ ވިދާޅުވީ މިއަނިޔާތަކަށް 15 ދުވަސް ވެފައިވާ ކަމށެވެ.
