އިންޑިއާގެ ކަނޑުގެ ސިފައިންނާއެކު އިންޑޯ-ޕެސިފިކް އެންޑެވަރ އަސްކަރީ ތަމްރީންގައި ބައިވެރިވުމަށް ރޯޔަލް އޮސްޓްރޭލިއަން ނޭވީގެ ބޯޓުތައް އިންޑިއާގެ ވިސާކަޕަޓްނަމަށް އައިސްފި އެވެ. އިންޑޯ ޕެސިފިކް އެންޑެވަރގައި ރާއްޖެއިންވެސް އޮސްޓްރޭލިއާއާއެކު ބައިވެރިވާނެއެވެ. މިއީ އެންމެ ގިނަ ގައުމުތަކުން މި ތަމްރީންގައި ބައިވެރިވާ އަހަރެވެ.
މިއަހަރުގެ ތަންރީންގައި ރާއްޖެއާއި ޓިމޯރ-ލެސްޓޭ، ވިއެޓްނާމް، ފިލިޕީންސް، ބަންގްލަދޭޝް، ސްރީލަންކާ، ލާއޯސް، ކެމްބޯޑިއާ، އިންޑިއާ، ތައިލެންޑް، މެލޭޝިއާ، ސިންގަޕޫރު، ބްރޫނާއީ އަދި އިންޑޮނޭޝިއާ އިން ބައިވެރިވާނެއެވެ.
އިންޑޯ ޕެސިފިކް އެންޑވަރ ފެށުނީ 2017 ވަނަ އަހަރު އޮސްޓްރޭލިއާގެ ޑިފެންސް ފޯސް އިން ކޯޑިނޭޓް ކުރާ އަހަރީ ހަރަކާތެއްގެ ގޮތުގައެވެ. މިއީ ސަރަހައްދީ ސަލާމަތީ ބާރުތަކާ އެކު އޮސްޓްރޭލިއާގެ ގުޅުން ބަދަހި ކުރުމަށް 2016 ވަނަ އަހަރު އެގައުމުން އެކުލަވާލި ޑިފެންސް ވައިޓް ޕޭޕަރުގައި އައިސްފައިވާ ސްޓްރެޓެޖީތައް ފުރިހަމަ ކުރުމަށް ކުރާ މަސައްކަތެކެވެ.
