ރިޒާވް ބޭންކް އޮފް އިންޑިއާ ވެގެންދާނީ ދުނިޔޭގެ ބޮޑެތި މަރުކަޒީ ބޭންކުތަކުގެ ތެރޭގައި ފުރަތަމައަށް އަމިއްލަ ވާޗުއަލް ކަރަންސީއަކުން ޕައިލެޓް ޕްރޮޖެކްޓެއް ފަށާ ބެންކަކަށެވެ. އަޖުމަ ބެލުމުގެ ގޮތުން ހޯލްސޭލް ދާއިރާތަކުގައި ޑިޖިޓަލް ރުޕީ މިއަދުން ފެށިގެން ބޭނުން ކުރާނެއެވެ.
ބިޓްކޮއިން ފަދަ އަމިއްލަ ޑިޖިޓަލް ފައިސާއަށް ހުއްދަ ދިނުމަކީ މާލީ ހަމަޖެހުމަށް ނުރައްކާވާ ކަމެއް ކަމަށް ސާބިތުކަމާއެކު ބުނަމުން އަންނަ ރިޒާވް ބެންކުގެ ރެގިއުލޭޓަރުން ހޯމަ ދުވަހު ބުނެފައި ވަނީ ޑިޖިޓަލް ރުޕީގެ ރީޓެއިލް ވާޝަންގެ ޕައިލެޓް ޕްރޮޖެކްޓް މަހެއްހާ ދުވަސް ފަހުން ފަށާނެ ކަމަށެވެ.
ރިޒާވް ބެންކުން ފަށާފައިވާ ހޯލްސޭލް އީ-ރޫޕީ (އީ-ޑަބްލިއު) ޕައިލެޓް ޕްރޮޖެކްޓްގައި ބައިވެރި ކޮށްފައިވަނީ ނުވަ ބެންކެކެވެ. އެއީ، ސްޓޭޓް ބޭންކް އޮފް އިންޑިއާ، ބޭންކް އޮފް ބަރޯޑާ، ޔޫނިއަން ބޭންކް އޮފް އިންޑިއާ، އެޗްޑީއެފްސީ ބޭންކް، އައިސީއައިސީއައި ބޭންކް، ކޮޓަކް މަހިންދްރާ ބޭންކް، ޔެސް ބޭންކް، އައިޑީއެފްސީ ފަސްޓް ބޭންކް އަދި އެޗްއެސްބީސީ އެވެ .
