ޝެންހާއީ ކޯޕަރޭޝަން އޮގަނައިޒޭޝަންގެ ވެރިންގެ ޖަލްސާގައި ވާހަކަ ދައްކަވަމުން އިންޑިއާގެ ޚާރިޖީ ވަޒިރު ވިދާޅުވީ އިގްތިސާދީ ގާބިލްކަން އިތުރު ކުރުމަށް ގައުމުތަކުގެ ސަރަހައްދުތައް ދަތުރުފަތުރުން ގުޅާލުމަކީ މުހިންމު ކަމެކެވެ.
އެސްސީއޯ ކައުންސިލް އޮފް ހެޑްސް އޮފް ގަވަރމަންޓް (ސީއެޗްޖީ)ގެ 21 ވަނަ ބައްދަލުވުން ކުރިއަށް ގެންގޮސްފައިވަނީ މަޖާޒީ ބައްދަލުވުމެއްގެ ގޮތުގައެވެ. އެސްސީއޯގެ އިސްވެރިންގެ ބައްދަލުވުމުގައި ބޮޑަށް އަލިއަޅުވާލާފައިވަނީ އެ އޯގަނައިޒޭޝަންގެ ވިޔަފާރިއާއި އިގްތިސާދީ އެޖެންޑާއަށެވެ.
އިންޑިއާގެ ވަޒީރު ވަނީ އީރާންގައި އިންޑިއާއިން ތަރައްގީކޮށްފައިވާ ޗަބަހާރު ބަނދަރާއި އިންޓަނޭޝަނަލް ނޯތު-ސައުތު ޓްރާންސްޕޯޓް ކޯރިޑޯގެ މުހިންމު ކަމުގެ މައްޗަށް ވާހަކަ ދައްކަވާފައެވެ. އެސް ޖަޔަޝަންކަރު ވިދާޅުވީ ނޯތު ސައުތު ކޮރިޑޯ ބޭނުން ކުރުމުގެ ސަބަބުން މެދުތެރޭ އޭޝިއާގެ ގައުމުތަކާއި އެސްސީއޯގެ މެމްބަރު ގައުމުތަކަށް ކުރުމަގަކުން އަރަބި ކަނޑާއި އިންޑިއާ ކަނޑަށް ފަސޭހައިން މުދާ އެކްސްޕޯޓް ކުރެވޭނެ ކަމަށެވެ.
ޔުކްރެއިންގެ ހަނގުރާމައަށްފަހު އިންޑިއާއިން ވަނީ ރަޝިޔާ މުދާ، ނޯތު ސައުތު ކޮރިޑޯ މެދުވެރިކޮށް އިމްޕޯޓް ކުރުމުގެ ޕައިލެޓް ޕްރޮޖެކްޓެއް ހިންގާފައެވެ. ކުރިންތިން މަސް ތެރޭގައި އިންޑިއާއަށް އަންނަ ކޮންޓެއިނާ ނޯތު ސައުތު ކޮރިޑޯ ބޭނުން ކުރުމުން ދިހަ ދުވަސް ތެރޭގައި މުމްބާއީއަށް ފޯރައެވެ.
އިންޑިއާއިން އެސްސީއޯގެ މެމްބަރުންނާ އެކު ޖުމްލަ 141 ބިލިއަން ޑޮލަރުގެ ވިޔަފާރި ބަދަލު ކުރެއެވެ.
