ޗައިނާއިން ބިނާ ކުރަމުންދާ ޖައްވީ ސްޓޭޝަންގެ ބައެއް ކުނިބުނި މާދަމާ ކޮންމެވެސް ހިސާބެއްގައި ބައެއްގެ ބޮލަށް ވެއްޓޭނެއެވެ. ފާއިތުވި ދެ އަހަރު ތެރޭގައި ޗައިނާގެ ޖައްވީ ޕްރޮގްރާމުން ވަނީ ލޯންގް މާޗް 5ބީ ރޮކެޓު ބޭނުންކޮށްގެން ޓިއަންގޮންގް ޖައްވީ ސްޓޭޝަން ފުޅާކުރުމަށް ބޮޑު މޮޑިއުލެއް އޯބިޓަށް ފޮނުވާލާފަ އެވެ. ޗައިނާގެ ސެޓެލައިޓެއް ވަނީ މީގެ ކުރިންވެސް ބިމަށް ވެއްޓިފައެވެ.
ހޮނިހިރު ދުވަހު ދުނިޔޭގެ ޖައްވަށް ވަދެ ބިމަށް ވެއްޓޭނެ ކަމަށް ބެލެވޭ ރޮކެޓް ދުނިޔޭގެ ޖައްވަށް ވަންނައިރު ބޮޑު ބައެއް އަނދައިގެންދާނެ ކަމަށް ބެލެވެ އެވެ. ނަމަވެސް އޭގެ ބައިތައް އެކި ހިސާބުތަކަށް ވެއްޓޭނެއެވެ.
ދުނިޔޭގެ ޖައްވަށް އަލުން ވަންނަ ސެޓެލައިޓްތަކާއި ރޮކެޓްތަކުގެ ރީއެންޓްރީތައް ޓްރެކްކުރާ އެއަރޮސްޕޭސް ކޯޕަރޭޝަނުން ލަފާކުރާ ގޮތުގައި ޗައިނާގެ ރޮކެޓް އަލުން ދުނިޔޭގެ ޖައްވަށް ވަންނާނެ ކަމަށް ބެލެވެނީ ހުކުރު ދުވަހުގެ ހަވީރު، ޕެސިފިކް ގަޑިން ފެށިގެން ނެވެ. އަދި ހޮނިހިރު ދުވަހުގެ ބޮޑު ބައެއް ގައި އެ ސެޓެލައިޓް އެނބުރޭނެ ކަމަށް ވެއެވެ.
ޗައިނާގެ ރޮކެޓްތަކަކީ ދުނިޔެއަށް އަލުން ވަންނައިރު އެ އެއްޗެއް ތިރި ކުރާނެ ތަނެއް ކޮންޓްރޯލު ކުރުމުގެ ގާބިލުކަން ހުންނަ ރޮކެޓްތަކެއް ނޫނެވެ.
20 ޓަނުގެ މިރޮކެޓްގެ ބޮޑު ބައެއް އެނދި ނަމަވެސް އެފަދަ ބޮޑެތި ކުނިތައް ވެއްޓޭނެ ތަނެއް ޔަގީން ނުވުމަކީ އިންސާނީ ސަލާމަތާއި މުދަލަށް ލިބޭ ގެއްލުމަށް ދިމާވާނެ ނުރައްކަލެއް ކަމަށް ވެއެވެ.
މި ރޮކެޓް ބޭނުންކޮށްފައިވަނީ ޓިއަންގޮންގްގެ ތިންވަނަ އަދި އެންމެ ފަހު ބައި ކަމަށްވާ މެންގްޓިއަން އޯބިޓަށް ފޮނުވުމަށެވެ. މި ރޮކެޓްގެ ވެއްޓޭ ބަޔަކީ ގާތްގަނޑަކަށް 10 ބުރީގެ އިމާރާތަކާ އެއްވަރުގެ ބައެކެވެ.
މީގެ ކުރިން ޓިއަންގޮންގް ސްޕޭސް ސްޓޭޝަން މޮޑިއުލްގެ ކުރީގެ ދެ މޮޑިއުލް ލޯންޗު ކުރުމުން ވެސް މިފަދަ ރީއެންޓްރީ ރިސްކްތައް ފެނިފައިވާއިރު، 2021 ވަނަ އަހަރުގެ މެއި މަހުގެ 8 ވަނަ ދުވަހު އިންޑިއާ ކަނޑަށް ރޮކެޓަށް ވެއްޓިފައި ވެއެވެ. އަދި ޖުލައި30 2021ގައި މެލޭޝިއާ، އިންޑޮނޭޝިއާ އަދި ފިލިޕީންސަށްވެސް ރޮކެޓެއްގެ ބައިތައް ރޫޅިގެން ވެއްޓިފައި ވެއެވެ.
ލޯންގް މާޗް 5ބީގެ އެހެން މިޝަނެއްގެ ބައެއް ވެސް 2020 ވަނަ އަހަރު ހުޅަނގު އެފްރިކާއަށް ވެއްޓުފައި ވެއެވެ.
