ޗައިނާގައި ޓިކްޓޮކްގެ މައި މަރުކަޒަށް ޔޫރަޕްގެ ޓިކްޓޮކްގެ ޔޫސަރުންގެ ޑޭޓާ ބެލޭނެ ކަމަށް ބުނެފިއެވެ. ޗައިނާގެ ސޯޝަލް ވީޑިއޯ އެޕް އިން ދަނީ ޕްރައިވެސީ ޕޮލިސީ އަޕްޑޭޓް ކުރަމުންނެވެ. އަދި އެ ޕޮލިސީއަށް އަންނަ ބަދަލުން އެނގޭ ގޮތުގައި ޗައިނާ ހިމެނޭ ގޮތަށް ހުރިހައި ގައުމެއްގެ މުވައްޒަފުންނަށް ވެސް ޔޫޒަރުންގެ ޑޭޓާ ހޯދުމުގެ ހުއްދަ ދީފައިވާކަން ކަށަވަރުކޮށްދީފައި ވެއެވެ.
ޓިކްޓޮކްގެ މުވައްޒަފުންނަށް ޔޫޒަރ ޑޭޓާ ލިބިދާނެ ގައުމުތަކުގެ ތެރޭގައި ބްރެޒިލް، ކެނެޑާ އަދި އިސްރާއީލުގެ އިތުރުން ޔޫރަޕްގެ ގައުމުތައް ހިމެނެއެވެ. އެ ޔޫޒަރުންގެ ޑޭޓާ މިހާރު ރައްކާކުރަނީ އެމެރިކާ އަދި ސިންގަޕޫރު ގައި ހުންނަ އެކުންފުނީގެ ސާވާތަކުގައެވެ.
ޔޫރަޕްގައި ޓިކްޓޮކްގެ ޕްރައިވެސީއާ ބެހޭ އިސް މަސްއޫލުވެރިޔާ އިލައިން ފޮކްސް ވަނީ ބައެއް ގައުމުތަކުގެ ޔޫސަރުންގެ ޑޭޓާހަރުކަށި އުސޫލުތަކެއްގެ ތެރެއިން ޓިކްޓިކްގެ މުވައްޒަފުންނަށް ބެލޭނެ ކަމުގެ ޔަގީންކަން ދީފައެވެ.
އެ ޑޭޓާ ބޭނުންކޮށްގެން ޕްލެޓްފޯމްގެ ކަންކަން ޗެކްކުރުމަށް މަސައްކަތް ކުރެވޭނެއެވެ. އޭގެ ތެރޭގައި އޭގެ އެލްގޮރިޒަމްތަކުގެ ޕާފޯމަންސް ބެލޭނެއެވެ. އަދި ޔޫޒަރުންނަށް ކޮންޓެންޓް ރެކޮމެންޑްކޮށް، ބޭކާރު އެކައުންޓްތައް ދެނެގަނެވޭނެ ކަމަށެވެ. ޓިކްޓޮކުން މީގެ ކުރިން ވަނީ ޔޫޒަރުންގެ ބައެއް ޑޭޓާތައް ޗައިނާގައި ހުންނަ އެ ކުންފުނީގެ ބެލެނިވެރި ކުންފުނި ބައިޓްޑާންސްގެ މުވައްޒަފުންނަށް އެކްސެސް ކުރާ ކަމަށް އެއްބަސްވެފައެވެ.
