ޗައިނާގައި ދުވާލަކު ކޯވިޑް-19 އިންފެކްޝަން ރޭޓް މެއި މަހުގެ ކުރީކޮޅުން ފެށިގެން އިތުރު ވެފައި ނުވާ މިންވަރަށް މިހާރު އިތުރު ވާން ފަށާފައި ވެއެވެ. ޗައިނާގެ އެކި ހިސާބުތަކަށް ލޮކްޑައުންތައް ވަނީ އާންމު ވެފައެވެ.
ހަފްތާ ނިމުނު އިރު އަލަށް 3،800 ކޭސް ރިޕޯޓްކޮށްފައިވާއިރު، މިއީ އޭގެ ކުރީ ދުވަހާ އަޅާބަލާއިރު 22 ޕަސެންޓް އިތުރު އަދަދެއް ކަމަށް ވެއެވެ. މިއީ މި ފަހުން ފެނުނު އެންމެ މަތީ އަދަދު ކަމަށް ނޭޝަނަލް ހެލްތު ކޮމިޝަނުން ބުނެއެވެ.
ދެކުނުގެ ފެކްޓްރީތައް ހުންނަ މަރުކަޒު ކަމަށްވާ ގުއަންޒޯގައި ކޭސްތައް ދަނީ އުިތުރު ވަމުންނެވެ. އެ ސިޓީގައި މަދުވެގެން އެއް ޑިސްޓްރިކްޓަކުން ސްކޫލުތައް ބަންދުކޮށް ރެސްޓޯރެންޓްތަކުގައި ތިބެގެން ކެއުން މަނާކޮށްފައި ވެއެވެ. އެ ސަރަހައްދުންވެސް 572 ޕޮޒިޓިވް ކޭސް ރިޕޯޓްކޮށްފައި ވެއެވެ.
