ޕާކިސްތާނުގެ ކުރީގެ ބޮޑު ވަޒީރު އިމްރާން ޚާން އަވަހާރަކޮށްލަން ރޭވި ކަމަށް ބުނެ ބޮޑުވަޒީރު ޝެހްބާޒް ޝަރީފާއި އިންޓީރިއާ މިނިސްޓަރު ރަނާ ސަނައުالله އަދި ސިފައިންގެ މޭޖަރަކަށް ކުރާ ތުހުމަތުތަކަކީ "އަސާސެއް ނެތް އަދި ޒިންމާދާރުކަން ކުޑަ" ތުހުމަތުތަކެއް ކަމަށް ޕާކިސްތާނުގެ ސިފައިން ބުނެފިިއެވެ.
ޕާކިސްތާނުގެ މިލިޓަރީ މީޑިއާ ވިންގް، އިންޓަރ ސާވިސަސް ޕަބްލިކް ރިލޭޝަންސް (އައިއެސްޕީއާރު) އިން މިކަމާ ގުޅޭގޮތުން ނެރުނު ބަޔާނެއްގައި ބުނެފައިވަނީ "ޕީޓީއައިގެ ވެރިޔާ ސިފައިންނަށް އަމާޒުކޮށް އަދި ޚާއްޞަކޮށް ސިފައިންގެ އިސް އޮފިސަރަކާ ދެކޮޅަށް ކުރާ އަސާސެއް ނެތް އަދި ޒިންމާދާރުކަން ކުޑަ ތުހުމަތުތަކަކީ އެއްގޮތަކަށްވެސް ބަލައިގަނެވޭނެ ތުހުމަތުތަކެއް ނޫން" ކަމަށް ޑޯން ނޫހުން ރިޕޯޓް ކުރިއެވެ.
އިމްރާނަށް ބަޑީގެ ހަމަލައެއް އަމާޒުކޮށްފައި ވަނީ ބުރާސްފަތި ދުވަހުގެ ހަވީރު އޭނާގެ ޕާޓީން ބެއްވި މިނިވަންކަން ހޯދުމުގެ ހިނގާލުމުގައި ވަޒީރާބާދުގެ الله ވަލާ ޗޯކު ސަރަހައްދުންނެވެ.
