ޔޫރަޕްގައި ހޫނު ގަދަ ވުމުގެ ސަބަބުން މިއަހަރު 15،000 މީހުން މަރުވެފައިވާ ކަމަށް ޑަބްލިއުއެޗްއޯގެ ރީޖަނަލް ޑިރެކްޓަރު ފޯ ޔޫރަޕް ހަންސް ހެންރީ ކްލޫގޭ ވިދާޅުވެއްޖެ އެވެ.
"މިހާތަނަށް ގައުމުތަކުން ފޮނުވި ޑޭޓާއަށް ބަލާއިރު، 2022 ވަނަ އަހަރު ހޫނުގަދަވުމުގެ ސަބަބުން މަދުވެގެން 15،000 މީހުން މަރުވެފައިވާ ކަމަށް ލަފާކުރެވޭ. އޭގެ ތެރޭގައި ސްޕެއިންގައި ގާތްގަނޑަކަށް 4،000 މީހުން، ޕޯޗުގަލްގައި 1،000 އަށް ވުރެ ގިނަ މީހުން، އިނގިރޭސިވިލާތުގައި 3،200 އަށް ވުރެ ގިނަ މީހުން މަރުވި." ކުލޫގޭ ވިދާޅުވިއެވެ.
އަދި ހޫނު މޫސުމުގެ 3 މަސް ދުވަހުގެ ތެރޭގައިޖަރުމަނުގައި ގާތްގަނޑަކަށް 4،500 މީހުން މަރުވެފައިވާ ކަމަށް ސިއްހީ އިދާރާތަކުން ރިޕޯޓްކޮށްފައި ވެއެވެ.
ޑަބްލިއުއެޗްއޯގެ ރީޖަނަލް އިން ބުނީ ހޫނުގަދަވުމުގެ ސަބަބުން މަރުވާ މީހުންގެ އަދަދު އިތުރު ވާނެ ކަމަށް ލަފާކުރެވޭ ކަމަށެވެ.
