އެމްޑީގެ ކުރީގެ ޗެއާޕާސަން އަދި ރައްޔިތުންގެ މަޖިލީހުގެ ކުރީގެ ނާއިބު ރައީސް އަލުން އެމްޑީޕީއާ ގުޅިވަޑައިގެންނެވުމަކި ލިބިވަޑައިގެންނެވި އިތުރު ހިތްވަރެއް ކަމަށް ރައީސުލްޖުމްހޫރިިއްޔާ އިބްރާހީމް މުހައްމަދު ސާލިހު ވިދާޅުވެއްޖެއެވެ.
އެމަނިކުފާނު ކުރެއްވި ޓުވީޓެއްގައި ވިދާޅުވެފައިވަނީ ރީކޯ މޫސާ މަނިކަކީ އެމްޑީޕިއަށް ގިނަ ޚިދުމަތްތަކެއް ކޮށްދެއްވާފައިވާ ބޭފުޅެއް ކަމަށެވެ. އެހެން ކަމުން "ކުރީގެ ޗެއާޕާސަން ރީކޯ މޫސާ މަނިކު މިޕާޓީއާ އަލުން ގުޅިވަޑައިގަތުމަކީ، މިޕާޓީ އަށާއި އަޅުގަނޑުމެން އެންމެނަށް ލިބުނު އިތުރު ހިތްވަރެއް،" ރައީސް ވިދާޅުވެފައިވެއެވެ.
އެމަނިކުފާނު ވިދާޅުވެފައިވަނީ މޫސަ އަކީ އަބަދުވެސް އިސްލާހަށް މަސައްކަތްކުރައްވާ ބޭފުޅެއް ކަމަށެވެ. ރައީސް ވަނީ ރީކޯ މޫސަ އަލުން އެމްޑީޕީއާ ގުޅިވަޑައިގެންނެވުމުން ޕާޓީގެ ފަރާތުން މަރުހަބާ ވެސް ވިދާޅުވެފައެވެ.
ރައީސް މަރުހަބާ ދެންނެވުމުން މޫސަ ވަނީ ރައީސަށް ޝުކުރު ދަންނަވައި ޓުވީޓެއް ކުރައްވައިފައެވެ. "ރައީސް ތި ވިދާޅުވި ހޫނު މަރްޙަބާއަށް ޝުކުރުދަންނަވަން،" އޭނާ ވިދާޅުވެފައިވެއެވެ.
މޫސަ ވިދާޅުވެފައިވަނީ މާތްﷲގެ ހެޔޮރަޙްމަތާއެކު އެމްޑީޕީ އަކީ އެކުވެރިކަމާއި އެއްބައިވަންތަކަމާއެކު، މެމްބަރުން އުފަލާއެކު ހިތްހަމަ ޖެހިގެންއުޅޭ ޕާޓީއެއް ކަމުގައި ލެއްވުމަށް އެދިވަޑައިގެންފައެވެ.
މޫސަ އަކީ އެމްޑީޕީ އުފައްދަންް އެންމެ ފުރަތަމަ ސޮއިިކުރެއްވި ބޭފުޅުންގެ ތެރެއިން 9 ވަނައަށް ސޮއިކުރެއްވި ބޭފުޅާއެވެ. އޭނާ އެޕާޓީއަށް ފުރަތަމަ ސޮއިކުރެއްވީ 2005 ވަނަ އަހަރު ޖޫން 5 ގައެވެ. އެމްޑީޕީން މޫސަ ވަކިކޮށްފައިވަނީ 2014 ވަނަ އަހަރުު ޑިސެންބަރ 22 ގައެވެ. އެ ޕާޓީއާ އަލުން އޭނާ ގުުޅިވަޑައިގެންނެވީ 150 މީހުންގެ ސޮޔާއެކުގައެވެ.
