ވޯލްޑް ކަޕް ފުރަތަމަ މެޗުގައި މިރޭ، މުބާރާތް ބާއްވާ ގަތަރުގެ މައްޗަށް 2-0 އިން ކުރި ހޯދައި އިކްއެޑޯއިން މޮޅަކުން މުބާރާތް ފަށައިފިއެވެ.
މެޗުގައި ފެނިގެންދިޔަ ދެލަނޑުވެސް އިކްއެޑޯއަށް ކާމިޔާބު ކޮށްދިނީ ކުރިން އެވަޓަނަށް ކުޅުނު އަދި މިހާރު ތުރުކީގެ ފެނަބާޗޭއަށް ކުޅެމުން އަންނަ ވިންގަރ އަދި ކެޕްޓަން އެއްނާ ވެލެންސިޔާއެވެ. މީގެ ތެރެއިން ފުރަތަމަ ލަނޑަކީ ލިބުނު ޕެނަލްޓީއަކުން ކާމިޔާބު ކުރި ލަނޑެކެވެ. ދެވަނަ ލަނޑަކީ އޭރިޔާގެ ތެރެއަށް ހުރަސްކުރި ބޯޅައެއް ބޮލުން ފޮނުވާލައިގެން ކާމިޔާބު ކުރި ލަނޑެކެވެ. މިދެލަނޑުވެސް ކާމިޔާބު ކުރީ ފުރަތަމަ ހާފުގައެވެ.
ފުރަތަމަ ހާފް އެއްކޮށް ކަހަލަ ގޮތަކަށް ކޮންޓްރޯލްކޮށްގެން ކުޅުނީ އިކްއެޑޯއިންނެވެ. ގަތަރަށް މެޗުގެ ތެރެއަށް ވަދެވުނީ ދެވަނަ ހާފް ވިއްސަކަށް މިނެޓަށް ވެފައި ވަނިކޮށެވެ. ގަތަރުގެ މުހައްމަދު މުންތާރީ މެޗުގެ 85 ވަނަ މިނެޓުގައި ފޮނުވާލި ބާރު ހަމަލާއެއް ދިޔައީ ގޯލުގެ މަތީ ދަނޑިއާ އިންޗިއެއްހައި މަތިން ބޭރަށެވެ.
ތަފްސީ އަންނަނީ.....
